അമിതാവേശം ആപത്തിന് വഴിയൊരുക്കും

പ​തി​നേ​ഴാ​മ​തു ലോ​ക്സ​ഭാ തെ​ര​ഞ്ഞെ​ടു​പ്പി​ൽ മി​ന്നു​ന്ന വി​ജ​യ​മാ​ണു ബി​ജെ​പി നേ​ടി​യ​ത്. ഭ​ര​ണ​ത്തു​ട​ർ​ച്ച ല​ഭി​ച്ചു എ​ന്ന​തു മാ​ത്ര​മ​ല്ല ബി​ജെ​പി​യു​ടെ രാ​ഷ്‌​ട്രീ​യ നേ​ട്ടം. കേ​ന്ദ്ര​മ​ന്ത്രി​സ​ഭ രൂ​പീ​ക​രി​ക്കാ​ൻ ഒ​റ്റ​യ്ക്കു ഭൂ​രി​പ​ക്ഷം നി​ല​നി​ർ​ത്താ​ൻ ക​ഴി​ഞ്ഞു എ​ന്ന​തും എ​ടു​ത്തു പ​റ​യ​ണം. അ​മി​ത് ഷാ ​എ​ന്ന രാ​ഷ്‌​ട്രീ​യ പ​ടു​ത്വ​ത്തി​ന്‍റെ​യും ന​രേ​ന്ദ്ര മോ​ദി എ​ന്ന ഭ​ര​ണ മി​ക​വി​ന്‍റെ​യും ബ​ല​ത്തി​ലാ​ണു ഭാ​ര​തീ​യ ജ​ന​താ പാ​ർ​ട്ടി​യു​ടെ തി​ള​ക്ക​മാ​ർ​ന്ന വി​ജ​യം. ഒ​രു ഘ​ട്ട​ത്തി​ൽ രാ​ജ്യ​ത്തെ 21 സം​സ്ഥാ​ന​ങ്ങ​ളി​ലെ​ങ്കി​ലും ഭ​ര​ണ​നേ​തൃ​ത്വ​മോ പ​ങ്കാ​ളി​ത്ത​മോ ല​ഭി​ച്ചി​രു​ന്നു ബി​ജെ​പി​ക്ക്.

ഒ​രു രാ​ഷ്‌​ട്രീ​യ ക​ക്ഷി എ​ന്ന നി​ല​യി​ൽ സ്വ​യം അ​ഭി​മാ​നി​ക്കാ​നു​ള്ള വ​ക​യാ​ണ് ഇ​തെ​ല്ലാം എ​ന്നു സ​മ്മ​തി​ക്കാം. എ​ന്നാ​ൽ, ലോ​ക്സ​ഭാ തെ​ര​ഞ്ഞെ​ടു​പ്പി​നു ശേ​ഷം ന​ട​ന്ന പ്ര​ധാ​ന നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ലും വി​വി​ധ നി​യ​മ​നി​ർ​മാ​ണ സ​ഭ​ക​ളി​ലേ​ക്കു ന​ട​ന്ന ഉ​പ​തെ​ര​ഞ്ഞെ​ടു​പ്പു​ക​ളി​ലും പൊ​തു​വേ പ​രാ​ജ​യ​മാ​ണു ബി​ജെ​പി ഏ​റ്റു​വാ​ങ്ങി​യ​ത്. അ​തി​ൽ അ​വ​സാ​ന​ത്തേ​താ​ണ് ഇ​ന്ന​ലെ വോ​ട്ടെ​ണ്ണ​ൽ‌ ന​ട​ന്ന ഝാ​ർ​ഖ​ണ്ഡ് നി​യ​മ​സ​ഭാ തെ​ര​ഞ്ഞെ​ടു​പ്പു ഫ​ല​ങ്ങ​ൾ‌. ക​ഴി​ഞ്ഞ അ​ഞ്ചു വ​ർ​ഷ​മാ​യി അ​ധി​കാ​ര​ത്തി​ലി​രു​ന്ന ബി​ജെ​പി​ക്ക് ഇ​വി​ടെ ഭ​ര​ണ​ത്തു​ട​ർ​ച്ച ന​ഷ്ട​പ്പെ​ട്ടു. ഝാ​ർ​ഖ​ണ്ഡ് മു​ക്തി മോ​ർ​ച്ച, കോ​ൺ​ഗ്ര​സ്, ആ​ർ​ജെ​ഡി ക​ക്ഷി​ക​ൾ‌ ഉ​ൾ​പ്പെ​ട്ട മ​ഹാ​സ​ഖ്യം കേ​വ​ല ഭൂ​രി​പ​ക്ഷ​ത്തി​ലേ​ക്കു നീ​ങ്ങി.

 മ​ഹാ​രാ​ഷ്‌​ട്ര​യി​ലെ രാ​ഷ്‌​ട്രീ​യ നാ​ട​ക​ങ്ങ​ളി​ൽ‌ നാ​ണം കെ​ട്ടു പോ​യ ബി​ജെ​പി, ഹ​രി​യാ​ന​യി​ൽ കേ​വ​ല ഭൂ​രി​പ​ക്ഷ​ത്തി​ലെ​ത്തി​യി​ല്ല. തെ​ര​ഞ്ഞെ​ടു​പ്പി​നു ശേ​ഷം ദു​ഷ്യ​ന്ത് ചൗ​താ​ല​യു​ടെ ജെ​ജെ​പി​യെ ഒ​പ്പം കൂ​ട്ടി​യാ​ണു വീ​ണ്ടും സ​ർ​ക്കാ​രു​ണ്ടാ​ക്കി​യി​രി​ക്കു​ന്ന​ത്. ഏ​ക ആ​ശ്വാ​സം കാ​ലു​മാ​റി​വ​ന്ന​പ്പോ​ൾ സ്പീ​ക്ക​ർ അ​യോ​ഗ്യ​രാ​ക്കി​യ എം​എ​ൽ​എ​മാ​രെ ക​ർ​ണാ​ട​ക​യി​ലെ ഉ​പ​തെ​ര​ഞ്ഞെ​ടു​പ്പി​ൽ വീ​ണ്ടും ജ​യി​പ്പി​ക്കാ​നാ​യി എ​ന്ന​താ​ണ്. അ​ങ്ങ​നെ യെ​ദി​യൂ​ര​പ്പ സ​ർ​ക്കാ​ർ അ​ധി​കാ​രം ഉ​റ​പ്പി​ച്ചു. 

വോ​ട്ടെ​ടു​പ്പും ഫ​ല​പ്ര​ഖ്യാ​പ​ന​വും ക​ഴി​ഞ്ഞു ര​ണ്ടു മാ​സ​ങ്ങ​ൾ ല​ഭി​ച്ചി​ട്ടും മ​ഹാ​രാ​ഷ്‌​ട്ര​യി​ൽ സ​ർ​ക്കാ​ർ രൂ​പീ​ക​രി​ക്കാ​ന​ൻ ക​ഴി​യാ​തെ പോ​യ​തു മ​ഹാ​രാ​ഷ്‌​ട്രാ സം​സ്ഥാ​ന ഘ​ട​ക​ത്തി​നു മാ​ത്ര​മ​ല്ല, ബി​ജെ​പി ദേ​ശീ​യ നേ​തൃ​ത്വ​ത്തി​നു പോ​ലും മാ​ന​ക്കേ​ടാ​യി. ശി​വ​സേ​ന​യ്ക്കെ​തി​രേ ആ​ദ്യം രം​ഗ​ത്തു വ​ന്ന ദേ​വേ​ന്ദ്ര ഫ​ഡ്‌​നാ​വി​സി​നെ പി​ന്തു​ണ​ച്ച കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ, ​വ​ള​രെ അ​പ്ര​തീ​ക്ഷി​ത​മാ​യി എ​ൻ​സി​പി​യി​ൽ പി​ള​ർ​പ്പു​ണ്ടാ​ക്കി ഫ​ഡ്‌​നാ​വി​സി​ന്‍റെ നേ​തൃ​ത്വ​ത്തി​ൽ സ​ർ​ക്കാ​രു​ണ്ടാ​ക്കി. എ​ന്നാ​ൽ, മ​ന്ത്രി​സ​ഭ​യ്ക്കു 48 മ​ണി​ക്കൂ​ർ ആ​യു​സ് കി​ട്ടി​യി​ല്ല. മു​ഖ്യ​മ​ന്ത്രി​സ്ഥാ​ന​ത്തി​നു വി​ല​പേ​ശി​യ ശി​വ​സേ​ന​യെ കൈ​വി​ടാ​നെ​ടു​ത്ത തീ​രു​മാ​നം ബി​ജെ​പി​ക്കു വ​ലി​യ തി​രി​ച്ച​ടി​യാ​യി അ​വ​സാ​നം.  

2014ലെ ​അ​വ​സ്ഥ​യി​ല​ല്ല, ബി​ജെ​പി ഇ​പ്പോ​ൾ എ​ന്ന​താ​ണു പു​തി​യ രാ​ഷ്‌​ട്രീ​യ ചി​ത്രം. ഹി​ന്ദി ബെ​ൽ​റ്റി​ൽ‌ അ​വ​ർ​ക്കു​ണ്ടാ​യി​രു​ന്ന മേ​ൽ​ക്കൈ മി​ക്ക​വാ​റും ന​ഷ്ട​പ്പെ​ട്ടു. പ​ഞ്ചാ​ബ്, രാ​ജ​സ്ഥാ​ൻ, മ​ധ്യ​പ്ര​ദേ​ശ്, ഛത്തി​സ്ഗ​ഡ് എ​ന്നി​വി​ട​ങ്ങ​ളി​ലെ​ല്ലാം ഭ​ര​ണം ന​ഷ്ട​പ്പെ​ട്ടു. ക​ർ​ണാ​ട​ക ഒ​ഴി​കെ​യു​ള്ള ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ലും പാ​ർ​ട്ടി പ​തി​വു​പോ​ലെ പ​രു​ങ്ങ​ലി​ലാ​ണ്. വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ലെ മേ​ൽ​ക്കൈ പൗ​ര​ത്വ നി​യ​മ​ത്തി​ന്‍റെ​യും ദേ​ശീ​യ പൗ​ര​ത്വ ര​ജി​സ്ട്രി​യു​ടെ​യും പേ​രി​ൽ ന​ട​ക്കു​ന്ന ക​ലാ​പ​ങ്ങ​ൾ മൂ​ലം ന​ഷ്ട​പ്പെ​ടു​ത്താ​തെ നോ​ക്കേ​ണ്ട അ​വ​സ്ഥ. ബി​ഹാ​റി​ൽ സ​ഖ്യ​ക​ക്ഷി​യാ​യ ജെ​ഡി​യു ഇ​ക്കാ​ര്യ​ത്തി​ൽ വ​ലി​യ പി​ണ​ക്ക​ത്തി​ലു​മാ​ണ്.

 തു​ട​ർ​ച്ച​യാ​യ തെ​ര​ഞ്ഞെ​ടു​പ്പു വി​ജ​യ​ങ്ങ​ൾ ഒ​രു കാ​ല​ത്ത് കോ​ൺ​ഗ്ര​സി​നെ​യും മ​ത്തു പി​ടി​പ്പി​ച്ചി​രു​ന്നു. ഞ​ങ്ങ​ൾ തീ​രു​മാ​നി​ക്കു​ന്നു, നി​ങ്ങ​ൾ വോ​ട്ടു ചെ​യ്യു​ന്നു എ​ന്ന​താ​യി​രു​ന്നു അ​ക്കാ​ല​ത്ത് കോ​ൺ​ഗ്ര​സി​ന്‍റെ രാ​ഷ്‌​ട്രീ​യ നി​ല​പാ​ട്. ഈ ​നി​ല​പാ​ട് അ​തി​രു​വി​ട്ട​പ്പോ​ൾ ജ​ന​ങ്ങ​ൾ പാ​ർ​ട്ടി​യെ കൈ​വി​ട്ടു. ലോ​ക്സ​ഭ​യി​ൽ മൃ​ഗീ​യ ഭൂ​രി​പ​ക്ഷ​വും ഏ​റെ​ക്കു​റെ മി​ക്ക സം​സ്ഥാ​ന​ങ്ങ​ളി​ലും ഭ​ര​ണ​വു​മു​ണ്ടാ​യി​രു​ന്ന  കോ​ൺ​ഗ്ര​സി​ന് ഇ​പ്പോ​ഴ​ത്തെ ലോ​ക്സ​ഭ​യി​ൽ‌ ഔ​ദ്യോ​ഗി​ക പ​ദ​വി​യു​ള്ള പ്ര​തി​പ​ക്ഷ നേ​തൃ​സ്ഥാ​നം പോ​ലു​മി​ല്ല. ജ​ന​ങ്ങ​ളെ മ​റ​ന്നു​ള്ള പ്ര​വ​ർ​ത്ത​ന​ങ്ങ​ൾ​ക്കു ജ​ന​ങ്ങ​ൾ ന​ൽ​കി​യ മ​റു​പ​ടി​യാ​ണി​ത്. 

മു​ന്ന​റി​യി​പ്പു​ക​ളി​ൽ നി​ന്നു പാ​ഠം പ​ഠി​ക്കാ​തെ പോ​യ​താ​ണ് ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സി​നെ ഇ​ന്ന​ത്തെ നി​ല​യി​ൽ എ​ത്തി​ച്ച​ത്. പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്റു, ഇ​ന്ദി​ര ഗാ​ന്ധി തു​ട​ങ്ങി​യ അ​തി​ശ​ക്ത​രാ​യ നേ​താ​ക്ക​ളു​ടെ കാ​ല​ത്ത് കോ​ൺ​ഗ്ര​സ് അ​ജ​യ്യ​മാ​യി​രു​ന്നു. അ​തു​ത​ന്നെ​യാ​ണ് ന​രേ​ന്ദ്ര മോ​ദി​യു​ടെ‍‍യും അ​മി​ത് ഷാ​യു​ടെ​യും കാ​ല​ത്തെ ബി​ജെ​പി​യും. എ​ന്നാ​ൽ, തു​ട​ർ​ന്നും പാ​ർ​ട്ടി ക​രു​ത്തോ​ടെ നി​ല​നി​ൽ​ക്ക​ണ​മെ​ങ്കി​ൽ ജ​ന​ങ്ങ​ളെ ഒ​പ്പം നി​ർ​ത്ത​ണം.

സാ​മ്പ​ത്തി​ക പ്ര​തി​സ​ന്ധി​യു​ടെ​യും പ​രി​ഷ്ക​ര​ണ ന​യ​ങ്ങ​ളു​ടെ​യും തൊ​ഴി​ലി​ല്ലാ​യ്മ​യു​ടെ​യും സാ​ധാ​ര​ണ​ക്കാ​രു​ടെ ദാ​രി​ദ്യ്ര​ത്തി​ന്‍റെ​യും പേ​രി​ൽ ഏ​റെ പ​ഴി കേ​ട്ട ബി​ജെ​പി സ​ർ​ക്കാ​ർ ഇ​പ്പോ​ൾ അ​ഭി​മു​ഖീ​ക​രി​ക്കു​ന്ന​ത് പൗ​ര​ത്വ നി​യ​മ​ത്തി​ലെ ഭ​ര​ണ​ഘ​ട​നാ ലം​ഘ​ന​മെ​ന്ന ആ​രോ​പ​ണ​മാ​ണ്. ജ​ന​ങ്ങ​ൾ​ക്കു മു​ന്നി​ലേ​ക്കെ​ത്തു​ന്ന ആ​ശ​ങ്ക​ക​ൾ​ക്ക്  കൃ​ത്യ​മാ​യ മ​റു​പ​ടി​യി​ല്ലാ​തെ പോ​യാ​ൽ വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ളും ശു​ഭ​സൂ​ച​ക​മാ​വ​ണ​മെ​ന്നി​ല്ലെ​ന്നാ​ണ് രാ​ജ​സ്ഥാ​നും മ​ധ്യ​പ്ര​ദേ​ശും ഇ​പ്പോ​ൾ ഝാ​ർ​ഖ​ണ്ഡും ന​ൽ​കു​ന്ന മു​ന്ന​റി​യി​പ്പ്.