സാമ്രാജ്യത്വ കുത്തക മാധ്യമങ്ങളുടെ ബൂര്‍ഷ്വാ സ്വഭാവങ്ങള്‍ തകര്‍ക്കുവാനായി വഴിയില്‍ കണ്ടവന്റെയും, വണ്ടി ഓടിച്ചോണ്ടിരുന്നവന്റെയും, പിന്നെ ആരും അറിയാതെ കുറെ പാവപ്പെട്ട മുതലാളിമാരുടെയും കൈയ്യില്‍ നിന്നും പണം പിരിച്ചെടുത്ത്‌ അല്ലെങ്കില്‍ പിഴിഞ്ഞെടുത്ത് 'ഒരു ജനതയുടെ അത്മാവിഷ്കാരം' എന്നൊരു അടിക്കുറുപ്പും കൊടുത്തു വളര്‍ത്തിക്കൊണ്ട് വന്ന പ്രസ്ഥാനത്തിന് ഈ ഗതി ആരും പ്രതീക്ഷിച്ചില്ല. ബ്രിട്ടാസ് എന്നൊരു സുമുഖനെ പിടിച്ച് മുകളില്‍ ഇരുത്തി തത്തയെക്കൊണ്ട് പറയിക്കുന്നതുപോലെ കുറെ കാര്യങ്ങള്‍ ചോര തിളയ്ക്കുന്ന പാര്‍ട്ടിയുടെ, ചുവന്ന നിറമുള്ള ചോരയുള്ള വിഭാഗത്തിന് വേണ്ടി സംസാരിക്കുവാന്‍ ചുമതലപ്പെടുത്തിയതോടുകൂടി കുത്തക മാധ്യമങ്ങളുടെ പതനം മുന്നില്‍ കണ്ടിരുന്നു.
ഈ ബ്രിട്ടാസ് പിരിഞ്ഞു പോകുമ്പോള്‍ കേരളത്തിലെ ഏറ്റവും സംസ്കാര സമ്പന്നനായ വ്യക്തി എന്ന് വിശേഷിക്കപ്പെടാവുന്ന പാര്‍ട്ടി സെക്രട്ടറി പറഞ്ഞത് ഓര്‍ക്കുമ്പോള്‍ ഇപ്പോള്‍ ദുഖം തോന്നുന്നു. അതിനിടയില്‍ ഇദ്ദേഹത്തെ സംസ്കാര സമ്പന്നന്‍ എന്ന് വിളിച്ചത് വെറുതെയല്ല. ഒരുത്തിയെ 'ഏതോ ഒരുത്തി' എന്ന് വിശേഷിപ്പിച്ച ഒരുത്തനെ 'ഏതോ ഒരുത്തന്‍ ' എന്ന് വിളിച്ച ചങ്ങനാശേരിക്കാരന്‍ മാപ്പ് പറയണമെന്ന് ഈ പാര്‍ട്ടി സെക്രട്ടറി പറഞ്ഞെങ്കില്‍ അത് അദ്ധേഹത്തിന്റെ സംസ്കാര സമ്പന്നതയെ സൂചിപ്പിക്കുന്നുവന്നതില്‍ ഒരു സംശയവും വേണ്ട. ഒരു ആത്മീയ നേതാവിനെ 'നികൃഷ്ട ജീവി' എന്ന് വിളിക്കുന്നതില്‍ പരം സംസ്കാര സമ്പന്നത വേറെ ഉണ്ടോ ?
പക്ഷെ സംസ്കാര ഗുരുവിനോട് കട്ടുറുംബിന് ചെറിയ ഉപദേശം ഉണ്ട്, ഐ ടി കമ്പനിയില്‍ ജോലി ചെയ്യുന്ന സ്വന്തം മകളെ ഫോണ്‍ വിളിച്ച് ഒരു വിവരം തിരക്കണം. അതായത് ഏതെങ്കിലും തോമസ്സുകുട്ടിയോ, തോമസ്സുകുട്ടിച്ചിയോ ഒരു കമ്പനി വിട്ടു മറ്റൊരു കമ്പനിയിലേക്ക് ചാടുമ്പോള്‍ അത് എങ്ങോട്ട് ആണെന്ന് എന്നെങ്കിലും സത്യം പറയുമോ എന്ന് ഒന്ന് തിരക്കണം. മര്‍ഡോക്ക് എന്ന മാധ്യമ രാജാവിന്റെ ചാനലില്‍ ചെരുവാനാണ് ബ്രിട്ടാസ് കൈരളി വിട്ടത് എന്ന സത്യം ഈ പാവം സെക്രട്ടറി അറിഞ്ഞത് വളരെ പിന്നീടാണ്, അതും വേദനയോടെ. വേറെ എവിടെ ചേര്‍ന്നാലും അദ്ദേഹത്തിന് വിഷമം ഉണ്ടാകില്ലായിരുന്നു. അധ്വാനിച്ചു പണം ഉണ്ടാക്കിയതായിരിക്കും മാര്‍ഡോക്കില്‍ ഈ സംസ്കാര ഗുരു കണ്ട കുറ്റം. പത്ത് കാശ് കൂടുതല്‍ കിട്ടിയപ്പോള്‍ ബ്രിട്ടാസും ചാടി. ഇനിയും മനസ്സിലാകാത്ത ഒരു കാര്യം ഇത്രമാത്രം ചര്‍ച്ച ചെയ്യപ്പെടാന്‍ മാത്രം ഇതെന്താ അന്താരാഷ്‌ട്ര വിഷയം വല്ലതുമാണോ ? നല്ല ഒരു കോമഡി പ്രോഗ്രാം കാണുന്ന ലാഘവത്തോടുകൂടി മാത്രമാണ് ഇന്നേവരെ ബ്രിട്ടാസിന്റെ സംവാദങ്ങളും മറ്റും വീക്ഷിചിട്ടുള്ളത്, പ്രത്യേകിച്ച് യു ഡി എഫ് നേതാക്കളെ ഇന്റര്‍വ്യൂ ചെയ്യുമ്പോള്‍.
പക്ഷെ ഒരു ജനതയുടെ അത്മാവിഷ്കാരത്തിന്റെ ഇന്നത്തെ അവസ്ഥയില്‍ ദുഖം തോന്നുന്നു. തെരഞ്ഞെടുപ്പില്‍ ആര് ജയിക്കും എന്ന് കവടി നിരത്തി പറയുന്നതുപോലെ ചാനലുകാര്‍ മത്സരിക്കുമ്പോള്‍ , വെറും ഒരു കാഴ്ച്ചക്കാരനെപ്പോലെ ആകാനുള്ള വിധിയാണല്ലോ കൈരളിക്കുള്ളത്. മാര്‍ഡോക്കിന്റെ സ്വന്തം ചാനലായ ഏഷ്യാനെറ്റ്‌ പറയുന്ന പ്രവചനം ഏറ്റു പറയുന്ന ജോലി....കഷ്ടം...
ഒരു ജനതയുടെ അത്മാവിഷ്കാരം, കുറെ മാത്രം വ്യക്തികളുടെ അത്മാവിഷ്കാരമായി ഭവിക്കുമ്പോളുള്ള ചില വ്യത്യാസങ്ങള്‍ മാത്രം.
ഈ ബ്രിട്ടാസ് പിരിഞ്ഞു പോകുമ്പോള്‍ കേരളത്തിലെ ഏറ്റവും സംസ്കാര സമ്പന്നനായ വ്യക്തി എന്ന് വിശേഷിക്കപ്പെടാവുന്ന പാര്‍ട്ടി സെക്രട്ടറി പറഞ്ഞത് ഓര്‍ക്കുമ്പോള്‍ ഇപ്പോള്‍ ദുഖം തോന്നുന്നു. അതിനിടയില്‍ ഇദ്ദേഹത്തെ സംസ്കാര സമ്പന്നന്‍ എന്ന് വിളിച്ചത് വെറുതെയല്ല. ഒരുത്തിയെ 'ഏതോ ഒരുത്തി' എന്ന് വിശേഷിപ്പിച്ച ഒരുത്തനെ 'ഏതോ ഒരുത്തന്‍ ' എന്ന് വിളിച്ച ചങ്ങനാശേരിക്കാരന്‍ മാപ്പ് പറയണമെന്ന് ഈ പാര്‍ട്ടി സെക്രട്ടറി പറഞ്ഞെങ്കില്‍ അത് അദ്ധേഹത്തിന്റെ സംസ്കാര സമ്പന്നതയെ സൂചിപ്പിക്കുന്നുവന്നതില്‍ ഒരു സംശയവും വേണ്ട. ഒരു ആത്മീയ നേതാവിനെ 'നികൃഷ്ട ജീവി' എന്ന് വിളിക്കുന്നതില്‍ പരം സംസ്കാര സമ്പന്നത വേറെ ഉണ്ടോ ?
പക്ഷെ സംസ്കാര ഗുരുവിനോട് കട്ടുറുംബിന് ചെറിയ ഉപദേശം ഉണ്ട്, ഐ ടി കമ്പനിയില്‍ ജോലി ചെയ്യുന്ന സ്വന്തം മകളെ ഫോണ്‍ വിളിച്ച് ഒരു വിവരം തിരക്കണം. അതായത് ഏതെങ്കിലും തോമസ്സുകുട്ടിയോ, തോമസ്സുകുട്ടിച്ചിയോ ഒരു കമ്പനി വിട്ടു മറ്റൊരു കമ്പനിയിലേക്ക് ചാടുമ്പോള്‍ അത് എങ്ങോട്ട് ആണെന്ന് എന്നെങ്കിലും സത്യം പറയുമോ എന്ന് ഒന്ന് തിരക്കണം. മര്‍ഡോക്ക് എന്ന മാധ്യമ രാജാവിന്റെ ചാനലില്‍ ചെരുവാനാണ് ബ്രിട്ടാസ് കൈരളി വിട്ടത് എന്ന സത്യം ഈ പാവം സെക്രട്ടറി അറിഞ്ഞത് വളരെ പിന്നീടാണ്, അതും വേദനയോടെ. വേറെ എവിടെ ചേര്‍ന്നാലും അദ്ദേഹത്തിന് വിഷമം ഉണ്ടാകില്ലായിരുന്നു. അധ്വാനിച്ചു പണം ഉണ്ടാക്കിയതായിരിക്കും മാര്‍ഡോക്കില്‍ ഈ സംസ്കാര ഗുരു കണ്ട കുറ്റം. പത്ത് കാശ് കൂടുതല്‍ കിട്ടിയപ്പോള്‍ ബ്രിട്ടാസും ചാടി. ഇനിയും മനസ്സിലാകാത്ത ഒരു കാര്യം ഇത്രമാത്രം ചര്‍ച്ച ചെയ്യപ്പെടാന്‍ മാത്രം ഇതെന്താ അന്താരാഷ്‌ട്ര വിഷയം വല്ലതുമാണോ ? നല്ല ഒരു കോമഡി പ്രോഗ്രാം കാണുന്ന ലാഘവത്തോടുകൂടി മാത്രമാണ് ഇന്നേവരെ ബ്രിട്ടാസിന്റെ സംവാദങ്ങളും മറ്റും വീക്ഷിചിട്ടുള്ളത്, പ്രത്യേകിച്ച് യു ഡി എഫ് നേതാക്കളെ ഇന്റര്‍വ്യൂ ചെയ്യുമ്പോള്‍.
പക്ഷെ ഒരു ജനതയുടെ അത്മാവിഷ്കാരത്തിന്റെ ഇന്നത്തെ അവസ്ഥയില്‍ ദുഖം തോന്നുന്നു. തെരഞ്ഞെടുപ്പില്‍ ആര് ജയിക്കും എന്ന് കവടി നിരത്തി പറയുന്നതുപോലെ ചാനലുകാര്‍ മത്സരിക്കുമ്പോള്‍ , വെറും ഒരു കാഴ്ച്ചക്കാരനെപ്പോലെ ആകാനുള്ള വിധിയാണല്ലോ കൈരളിക്കുള്ളത്. മാര്‍ഡോക്കിന്റെ സ്വന്തം ചാനലായ ഏഷ്യാനെറ്റ്‌ പറയുന്ന പ്രവചനം ഏറ്റു പറയുന്ന ജോലി....കഷ്ടം...
ഒരു ജനതയുടെ അത്മാവിഷ്കാരം, കുറെ മാത്രം വ്യക്തികളുടെ അത്മാവിഷ്കാരമായി ഭവിക്കുമ്പോളുള്ള ചില വ്യത്യാസങ്ങള്‍ മാത്രം.
No comments:
Post a Comment