കൊതുകുകള്‍ പനി പരത്തുന്നു.....മാധ്യമങ്ങള്‍ പാനിക് സൃഷ്ടിക്കുന്നു

കേള്‍ക്കുമ്പോള്‍ കൗതുകം തോന്നുമെങ്കിലും, ചാനലുകാര്‍ ചോദിക്കുന്ന കുസൃതി ചോദ്യമല്ല ഇത്. ശരിയുത്തരത്തിന് സമ്മാനവും പ്രതീക്ഷിക്കേണ്ട. ഇത് ദൈവത്തിന്റെ സ്വന്തം നാട്ടിലെ ആരോഗ്യമന്ത്രിയുടെ കണ്ടുപിടുത്തമാണ്. ഈ പനിയും പാനികുമായി എന്താണു ബന്ധം? രണ്ടിന്റേയും അര്‍ത്ഥങ്ങള്‍ തമ്മില്‍ യാതൊരു സാമ്യവുമില്ല. പേടിപ്പിച്ച് (പാനിക്) വേണമെങ്കില്‍ പനിയുണ്ടാക്കാം. ആകാശം ഇടിഞ്ഞുവീണാലും
പേടിക്കാത്ത ദൈവത്തിന്റെ സ്വന്തം മക്കളെ പനി വരുന്നേ എന്നു പറഞ്ഞ് എങ്ങനെ പേടിപ്പിക്കും? എന്നാല്‍, പനി വരുന്നേ...പനി വരുന്നേ എന്നു വിളിച്ചു കൂവി പനിയില്ലാത്ത ജനങ്ങളെ പാനിക് ആക്കുന്നത് മാധ്യമങ്ങളാണെന്നാണ് ആരോഗ്യമന്ത്രി ശ്രീമതി ടീച്ചറുടെ അഭിപ്രായം. കൂടാതെ, ഇല്ലാത്ത പനി ഉണ്ടെന്നു വരുത്താന്‍ ശ്രമിക്കുന്നത് തദ്ദേശ തെരഞ്ഞെടുപ്പ് ലക്ഷ്യമിട്ട് മാധ്യമങ്ങള്‍ സൃഷ്ടിക്കുന്നതുമാണത്രേ ! കൊച്ചിയില്‍ ജില്ലാ ആയുര്‍വേദ ആശുപത്രിയുടെ പുതിയ മന്ദിരത്തിന്റെ ഉദ്ഘാടനച്ചടങ്ങിലാണ് മന്ത്രി ഈ പമ്പര വിഢിത്തം എഴുന്നള്ളിച്ചത്.

ചുരുക്കിപ്പറഞ്ഞാല്‍ മാധ്യമ സൃഷ്ടി. ഈ മാധ്യമങ്ങളുടെ ഒരു കാര്യമേ..! മാധ്യമ മാഫിയ, മാധ്യമ ലോബി, മാധ്യമ സിന്‍ഡിക്കേറ്റ്, പ്രതിലോമശക്തി എന്നീ പദപ്രയോഗങ്ങള്‍ ഇടതുപക്ഷ സര്‍ക്കാര്‍ അധികാരത്തില്‍ വന്നപ്പോള്‍ മുതല്‍ നിത്യവും നാം കേള്‍ക്കുന്നതാണ്. ഇപ്പോഴിതാ മാധ്യമപ്പനി, മാധ്യമ പാനിക് എന്നീ
വിശേഷണങ്ങളും.

തെരഞ്ഞെടുപ്പും പനിയുമായി എന്താണ് ബന്ധം ? അതിനും ശ്രീമതി ടീച്ചര്‍ക്ക് ഉത്തരമൂണ്ട്. 2006ല്‍ ഇടതുപക്ഷ സര്‍ക്കാര്‍ അധികാരത്തില്‍ വന്ന് ഒരാഴ്ച കഴിഞ്ഞപ്പോഴാണത്രേ കേരളത്തില്‍ ഏറ്റവും കൂടുതല്‍ പനി പൊട്ടിപ്പുറപ്പെട്ടത്. അപ്പോള്‍ അതുവരെ കേരളത്തില്‍ പനിയില്ലായിരുന്നോ എന്ന ചോദ്യത്തിന് ഇവിടെ
പ്രസക്തിയില്ല. കേട്ടാല്‍ തോന്നും ഉമ്മന്‍ചാണ്ടി മാരകരോഗം പരത്തുന്ന കൊതുകുകളെ കസ്റ്റഡിയില്‍ വെച്ച് ഇടതുപക്ഷ സര്‍ക്കാര്‍ അധികാരത്തില്‍ വന്നയുടന്‍ തുറന്നു വിട്ടതാണോ എന്ന്. അല്ലെങ്കില്‍ അത്രയും നാള്‍ ഇല്ലാതിരുന്ന മാരകരോഗങ്ങള്‍ എങ്ങനെ കേരളത്തില്‍ ഒരഴ്ചകൊണ്ട് പടര്‍ന്നു പിടിച്ചു? ഏതായാലും പഴി ചാരാന്‍ ശ്രീമതി ടീച്ചര്‍ക്ക് ഇപ്പോള്‍ കിട്ടിയത് മാധ്യമങ്ങളെയാണ്. അതുകൊണ്ട് മാധ്യമങ്ങള്‍ ജാഗ്രതരായിരിക്കുക. കേരളത്തിലെ ജനങ്ങളെ 'പാനിക്' ആക്കി പനി പിടിപ്പിക്കരുത്.

ചിക്കുന്‍ ഗുനിയ, എലിപ്പനി, ഡങ്കിപ്പനി, എച്ച്.വണ്‍.എന്‍.വണ്‍, തക്കാളിപ്പനി, കഴുതപ്പനി, കോളറ, അതിസാരം, മഞ്ഞപ്പിത്തം മുതലായ രോഗങ്ങളൊന്നും കേരളത്തിലില്ല. ഈ വക രോഗങ്ങള്‍ പിടിപെട്ട് ആരും ആശുപത്രികളിലെത്തുന്നില്ല. ആരും മരിച്ചിട്ടില്ല. ആര്‍ക്കും അംഗവൈകല്യങ്ങള്‍ സംഭവിച്ചിട്ടില്ല. വെറുതെ വിളിച്ചുകൂവി ഈ പനികളെയൊന്നും കേരളത്തിലേക്ക് വരുത്തരുതെന്നും ആരോഗ്യമന്ത്രി മാധ്യമങ്ങളോട്
അഭ്യര്‍ത്ഥിച്ചിട്ടുണ്ട്. എന്തെങ്കിലും കേട്ടാല്‍ ഉടനെ ഒന്നാം പേജിലും നാലാം പേജിലും മുഴുനീള കളര്‍ വാര്‍ത്തകള്‍ കൊടുത്ത് സര്‍ക്കാരിന്റെ സല്പേരിന് കളങ്കം വരുത്തുന്നത് മാധ്യമങ്ങളാണെന്നും ആരോഗ്യമന്ത്രി പരാതിപ്പെട്ടിരിക്കുകയാണ്. അതുകൊണ്ട്, പൊതുസ്ഥലങ്ങളില്‍ മാലിന്യക്കൂമ്പാരങ്ങള്‍ കുന്നു കൂടുന്നതിനെക്കുറിച്ചോ, കരകവിഞ്ഞൊഴുകുന്ന നഗരങ്ങളിലെ അഴുക്കുചാലുകളെക്കുറിച്ചോ, ദിനം പ്രതി വന്‍കിട ഫാക്ടറികളില്‍ നിന്ന് നദികളിലേക്ക് ഒഴുക്കിവിടുന്ന വിഷം കലര്‍ന്ന വിസര്‍ജ്യങ്ങളെക്കുറിച്ചോ,
അറവുശാലകളില്‍ നിന്ന് പൊതുസ്ഥലങ്ങളിലേക്ക് പുറംതള്ളുന്ന അവശിഷ്ടങ്ങളെക്കുറിച്ചോ, മാരകരോഗങ്ങള്‍ക്കടിമപ്പെട്ട് വിവിധ ആശുപത്രികളില്‍ കഴിയുന്ന രോഗികളെക്കുറിച്ചോ, രോഗം മൂര്‍ഛിച്ച് ചികിത്സിക്കാന്‍ കഴിയാതെ കഷ്ടപ്പെടുന്ന പാവപ്പെട്ടവരെക്കുറിച്ചോ ഒന്നും എഴുതരുത്. എല്ലാ മാധ്യമങ്ങളും

ഇനി മുതല്‍ "പനിവിമുക്ത കേരളം" അല്ലെങ്കില്‍ "രോഗവിമുക്ത കേരളം" എന്നോ മറ്റോ ഉള്ള തലക്കെട്ടോടുകൂടി ഒരു പരമ്പര തന്നെ ആരംഭിക്കണമെന്നാണ് എന്റെ അഭിപ്രായം. കേരളത്തില്‍ ഹരിത വിപ്ലവം സൃഷ്ടിക്കാനൊരുങ്ങുന്ന സര്‍ക്കാരിന്റെ തൊപ്പിയില്‍ ഇരിക്കട്ടേ ഒരു പൊന്‍തൂവല്‍ കൂടി.

ഒരേ ജോലിക്ക് രണ്ടുതരം കൂലി

ഏറെ കോലാഹലങ്ങള്‍ക്കു ശേഷം ഇന്ത്യാ ഗവണ്മെന്റ് കണ്ണുതുറക്കുകയും ഇന്ത്യന്‍ കോണ്‍സുലേറ്റ് മുട്ടുമടക്കുകയും ചെയ്തു.പ്രവാസികളുടെ ന്യായമായ അവകാശങ്ങള്‍ അനുവദിച്ചുകൊടുത്തുവെങ്കിലും, അന്യായമായ ഫീസ് ഒരു വിഭാഗം ജനങ്ങളെ കാത്തിരിക്കുകയാണെന്ന് ആരും മനസ്സിലാക്കുന്നില്ല. 2010 മെയ് 31 വരെ അമേരിക്കന്‍ പൗരത്വമെടുത്തവര്‍ക്ക് 175 ഡോളറില്‍ നിന്ന് 20 ഡോളര്‍ ആക്കി സറണ്ടര്‍ ഫീസ് നിജപ്പെടുത്തിയെങ്കിലും, മെയ് 31നു ശേഷം അമേരിക്കന്‍ പൗരത്വമെടുക്കുന്നവര്‍ക്ക് വീണ്ടും 175 ഡോളര്‍ കൊടുക്കേണ്ടിവരുന്നത് ഇരട്ടത്താപ്പു നയമാണ്. ഒരു പാസ്‌പോര്‍ട്ട് സറണ്ടര്‍ ചെയ്യുവാന്‍ 20 ഡോളര്‍ (ഏകദേശം 900 രൂപ) കോണ്‍സുലേറ്റിന് അഡ്മിനിസ്‌ട്രേറ്റീവ് ഫീസിനത്തില്‍ ചിലവു വരുമോ എന്ന ചോദ്യം നിലനില്‍ക്കേ, ഏകദേശം 7875 രൂപയാണ് അതേ ജോലി ചെയ്യുന്നതിന് അവര്‍ ഈടാക്കുവാന്‍ പോകുന്നത്. ഒരേ ജോലിക്ക് രണ്ടുതരം കൂലി വാങ്ങുന്ന ഏര്‍പ്പാടാണിത്. അതു മാത്രമല്ല, അമേരിക്കന്‍ പൗരത്വം എടുക്കുന്നവരില്‍ നിന്ന് പിഴ ഈടാക്കുന്നതാണോ അതോ അമേരിക്കന്‍ പൗരത്വമെടുക്കുന്നതില്‍ നിന്ന് ജനങ്ങളെ നിരുത്സാഹപ്പെടുത്തുവാനാണോ ഈ നിയമം കൊണ്ടുവരുന്നതെന്ന് ഇന്ത്യന്‍ കോണ്‍സുലേറ്റ് വ്യക്തമാക്കേണ്ടിയിരിക്കുന്നു.ഇത് തികച്ചും അന്യായമാണ്.

മെയ് 31 വരെ മാത്രമല്ല, ഭാവിയിലും അതേ ഫീസോ അതില്‍ കുറവോ മാത്രമേ പാസ്‌പോര്‍ട്ട് സറണ്ടര്‍ ഫീസായി ഇന്ത്യന്‍ കോണ്‍സുലേറ്റ് ഈടാക്കാവൂ. ടൂറിസ്റ്റ് വിസ ഇല്ലാതാക്കി 'എന്‍ട്രി വിസ' എന്ന ഓമനപ്പേരിട്ട് മറ്റൊരു നിയമം കൊണ്ടൂവന്നതും പവാസികള്‍ അദ്ധ്വാനിച്ചുണ്ടാക്കുന്ന ഡോളര്‍ കണ്ടുകൊണ്ടാണ്. അതൊരിക്കലും വകവെച്ചുകൊടുത്തുകൂടാ.നഖശിഖാന്തം എതിര്‍ത്ത് ഇന്ത്യാ ഗവണ്മെന്റിന്റെ ഈ തലതിരിഞ്ഞ നയത്തില്‍ നിന്ന് ഏതു വിധേനയും സാധാരണക്കാരെ മോചിപ്പിക്കാന്‍ എല്ലാ സംഘടനകളും ഒത്തൊരുമയോടെ പ്രതികരിക്കണം. അതുപോലെ പുതിയ നിയമം പ്രാബല്ല്യത്തില്‍ വന്നയുടന്‍ പലരും 175 ഡോളര്‍ കൊടുത്ത് സറണ്ടര്‍ സര്‍ട്ടിഫിക്കറ്റ് എടുത്തിരുന്നു. അവര്‍ക്ക് റീഫണ്ട് ലഭിക്കാനുള്ള സംവിധാനം ഒരുക്കേണ്ടതും ഇന്ത്യന്‍ കോണ്‍സുലേറ്റുകളൂടെ ധാര്‍മ്മികമായ ഉത്തരവാദിത്വമാണ്.

ഇപ്പോള്‍ വാഷിംഗടണിലുള്ള ഇന്ത്യന്‍ വിദേശകാര്യമന്ത്രി എസ്.എം. കൃഷ്ണയേയും അടുത്തമാസം ഫോമയുടേയും ഫൊക്കാനയുടേയും കണ്‍വന്‍ഷനുകളില്‍ പൊന്നാട സ്വീകരിക്കാന്‍ വരുന്ന പ്രവാസികാര്യ മന്ത്രി വയലാര്‍ രവിയേയും കാര്യങ്ങള്‍ ധരിപ്പിക്കുന്നതോടൊപ്പം വേണ്ടിവന്നാല്‍ ഒരു സര്‍വ്വകക്ഷിപ്രകടനവും വേണമെന്നാണ് ആല്‍ബനിയിലെ ബഹുപൂരിപക്ഷം മലയാളികളുടേയും അഭിപ്രായം.''കരയുന്ന കുഞ്ഞിനേ പാലുള്ളൂ'' എന്നാണല്ലോ പ്രമാണം.

തലവെട്ടിയ അപരന്മാരും....തകരുന്ന കുടുംബങ്ങളും.."

മെയ് 22 പുലര്‍ച്ചെ 6:20ന് മംഗലാപുരം ബജ്പേ വിമാനത്താവളത്തിലുണ്ടായ എയര്‍ ഇന്ത്യാ എക്സപ്രസ്സ് വിമാനാപകടം രാജ്യത്തെ മുഴുവന്‍ ഞെട്ടിച്ച ദുരന്തമായിരുന്നു. ദുബൈയില്‍ നിന്നു പറന്നുപൊങ്ങിയ ആ വിമാനത്തിലുണ്ടായിരുന്ന യാത്രക്കാരില്‍ ഏറിയ പങ്കും വടക്കന്‍ കേരളത്തിലും മംഗലാപുരത്തും നിന്നുള്ളവരായിരുന്നു. വിമാനം ലാന്‍ഡു ചെയ്ത് ഏതാനും മിനിറ്റുകള്‍ക്കുള്ളില്‍ റണ്‍വേയില്‍നിന്ന് തെന്നിമാറി എവിടെയോ ചെന്നിടിച്ച് പൊട്ടിത്തെറിക്കുകയും കത്തിച്ചാമ്പലാകുകയും 166 പേരില്‍ വെറും എട്ടു പേരൊഴികെ മറ്റെല്ലാവരും തിരിച്ചറിയാത്തവിധം അഗ്നിക്കിരയാകുകയും ചെയ്തെന്നു കേട്ടപ്പോള്‍ കേരളവും മംഗലാപുരവും മാത്രമല്ല, രാജ്യമൊട്ടാകെ തേങ്ങി. ദുബൈ വിമാനത്താവളത്തില്‍ യാത്രയാക്കാന്‍ വന്നവരും ബജ്പേ വിമാനത്താവളത്തില്‍ സ്വീകരിക്കാന്‍ എത്തിയവരും തങ്ങളുടെ ഉറ്റവര്‍ക്കും ഉടയവര്‍ക്കും എന്താണ്‌ സംഭവിച്ചതെന്നറിയാതെ നെട്ടോട്ടമോടുമ്പോള്‍ അപകടത്തില്‍ പെട്ടവരെ എങ്ങനെയെങ്കിലും രക്ഷിക്കാന്‍ നാട്ടുകാരും അധികൃതരും രക്ഷാപ്രവര്‍ത്തനങ്ങള്‍ക്കായി പരക്കം പായുകയായിരുന്നു.

പരിക്കുകളോടെ രക്ഷപ്പെട്ട എട്ടു പേരേയും മരിച്ചവരില്‍ 136 പേരുടെ മൃതദേഹങ്ങളും തിരിച്ചറിഞ്ഞെങ്കിലും, തിരിച്ചറിയാനാവാത്ത 22 മൃതദേഹങ്ങള്‍ അധികൃതരെ വിഷമസന്ധിയിലാക്കി. കാരണം, ഒരു മൃതദേഹത്തിന് ഒന്നിലധികം അവകാശികള്‍ രംഗത്തു വന്നതാണ്. ഏകദേശം പന്ത്രണ്ടു പേരെങ്കിലും വ്യാജ പാസ് പോര്‍ട്ടില്‍ ആ വിമാനത്തില്‍ യാത്ര ചെയ്തിരുന്നു എന്ന് അധികൃതര്‍ അന്നേ വെളിപ്പെടുത്തിയിരുന്നു. അതായത് പാസ് പോര്‍ട്ട് പ്രകാരമുള്ള വ്യക്തിയായിരിക്കണമെന്നില്ല മരിച്ചത്. ഇതു തന്നെയാണ് അധികൃതരെ കുഴപ്പിച്ച പ്രശ്നവും. 20 പേരുടെ മൃതദേഹങ്ങള്‍ ഡി.എന്‍.എ. പരിശോധനയ്ക്ക് വിധേയമാക്കിയതും ഇതേ കാരണത്താലാണ്. തങ്ങളുടെ വേണ്ടപ്പെട്ടവരുടെ മൃതദേഹങ്ങള്‍ ഒരു നോക്കു കാണാനോ അവരെ തിരിച്ചറിയാനോ അവരുടെ അന്ത്യകര്‍മ്മങ്ങള്‍ നടത്തുവാനോ കഴിയാതെ കുടുംബാംഗങ്ങള്‍ വിലപിക്കുമ്പോള്‍, ഡി.എന്‍.എ. പരിശോധനയിലും തിരിച്ചറിയാന്‍ കഴിയാത്ത 12 പേരുടെ മൃതദേഹങ്ങള്‍ കൂട്ടത്തോടെ സംസ്ക്കരിച്ചത് വിമാനാപകടത്തേക്കാള്‍ ഭയാനകമാണ്. ഇതില്‍ നിന്നും ഒരു കാര്യം നാം മനസ്സിലാക്കണം. മറ്റുള്ളവരുടെ പാസ് പോര്‍ട്ടിലെ ഫോട്ടോയുടെ തലവെട്ടിമാറ്റി സ്വന്തം ഫോട്ടോയുടെ തല വെച്ചുപിടിപ്പിച്ച് അനധികൃതമായി വിമാനയാത്ര ചെയ്യുന്നവര്‍ക്കൊരു ഗുണപാഠം കൂടിയാണ്‌ ഈ ദുരന്തം നല്‍കുന്നത്.

ഈ തലവെട്ടിമാറ്റല്‍ പ്രക്രിയയില്‍ കുടുങ്ങുന്നത് മുഴുവന്‍ ഗള്‍ഫ് മലയാളികളാണെന്നതാണ് സത്യം. ഈയടുത്ത നാളുകളില്‍ വ്യാജ പാസ് പോര്‍ട്ടില്‍ യാത്ര ചെയ്ത ഒട്ടനവധിപേരെ നെടുമ്പാശ്ശേരിയിലും തിരുവനന്തപുരത്തും ഇമിഗ്രേഷന്‍ അധികൃതര്‍ പിടികൂടുകയുണ്ടായി. പതിനെട്ടു വര്‍ഷങ്ങള്‍ക്കു മുന്‍പ് മരണമടഞ്ഞ ഒരു വ്യക്തിയുടെ പാസ് പോര്‍ട്ടുമായി കുവൈറ്റില്‍ ജോലി ചെയ്യുകയും പലതവണ ആ പാസ് പോര്‍ട്ടുമായി യാത്ര ചെയ്യുകയും ചെയ്ത ഒരു വിദ്വാനെ ഈയ്യിടെ നെടുമ്പാശ്ശേരി വിമാനത്താവളത്തില്‍ വെച്ച് അറസ്റ്റു ചെയ്തു എന്നു കേള്‍ക്കുമ്പോള്‍ വ്യാജന്മാരാകാനുള്ള മലയാളിയുടെ ധ്വര എത്രത്തോളമുണ്ടെന്ന് ഊഹിക്കാം. സ്വന്തം ജീവന്‍ പണയപ്പെടുത്തിയുള്ള ഈ ഞാണിന്മേല്‍ കളി ഗള്‍ഫ് മലയാളികള്‍ അവസാനിപ്പിക്കുന്നില്ല എന്നതിനു വ്യക്തമായ തെളിവാണ് മംഗലാപുരം വിമാന ദുരന്തത്തില്‍ നിന്ന് നമുക്ക് നല്‍കുന്നത്. വ്യാജ പാസ് പോര്‍ട്ടില്‍ യാത്ര ചെയ്ത വ്യക്തി/വ്യക്തികള്‍ ആരുടെ പാസ് പോര്‍ട്ടാണോ ഉപയോഗിച്ചത് അവര്‍ ഗള്‍ഫിലെവിടേയോ ഇപ്പോഴും ജീവിച്ചിരിപ്പുണ്ടാകാം. പക്ഷേ, രേഖകളില്‍ അവര്‍ മരണപ്പെട്ടു കഴിഞ്ഞു. അതോടൊപ്പം തിരിച്ചറിയാന്‍ കഴിയാതെ അജ്ഞാത മൃതദേഹമായി പൊതുശ്മശാനത്തില്‍ സംസ്ക്കരിച്ച മൃതദേഹങ്ങളുടെ യഥാര്‍ത്ഥ അവകാശികള്‍ ഇനിയൊരിക്കലും തങ്ങളുടെ പ്രിയപ്പെട്ടവരെ കാണാന്‍ കഴിയാതെ ഉള്ളൂരുകി വിലപിക്കുകയുമാവാം. എത്ര ഭീതിതമാണ് ഈ അവസ്ഥ..!

എന്തുകൊണ്ടാണ് ഗള്‍ഫ് മലയാളികള്‍ ഇങ്ങനെയുള്ള ചതിക്കുഴികളില്‍ ചെന്നു ചാടുന്നത്? ബോധവല്‍ക്കരണത്തിന്റെ അഭാവമാണോ? അതോ വിവരമില്ലായ്മയാണോ? ഗള്‍ഫുകാരെ ചൂഷണം ചെയ്ത് ചതിക്കുഴികളില്‍ വീഴ്ത്തുവാന്‍ തക്കംനോക്കി നടക്കുന്ന വ്യാജന്മാരെ എന്തുകൊണ്ട് അവര്‍ തിരിച്ചറിയുന്നില്ല ? സ്വന്തം പാസ് പോര്‍ട്ട് അറബി പിടിച്ചു വെയ്ക്കുകയോ മറ്റേതെങ്കിലും തരത്തില്‍ നഷ്ടപ്പെടുകയോ അതുമല്ലെങ്കില്‍ പണയപ്പെടുത്തുകയോ ചെയ്തതിനുശേഷം ഏതെങ്കിലും ഏജന്റു വഴി ആരുടേയെങ്കിലും പാസ് പോര്‍ട്ട് പണം കൊടുത്തു വാങ്ങി തലവെട്ടി മാറ്റി അതുംകൊണ്ട് നാട്ടിലേക്ക് യാത്ര ചെയ്യുന്നവര്‍ സ്വയം കുഴിതോണ്ടുകയാണെന്ന് എന്തുകൊണ്ട് മനസ്സിലാക്കുന്നില്ല ? ഗള്‍ഫ് യാത്രക്കാരില്‍ വലിയൊരു വിഭാഗം വെറും സാധാരണക്കാരും കുടുംബം പോറ്റാന്‍ മരുഭൂമിയില്‍ വിയര്‍പ്പൊഴുക്കി, കഠിനാദ്ധ്വാനം ചെയ്ത് ജീവിക്കുന്നവരാണ്. അവരെ ലക്ഷ്യമിട്ടാണ് വ്യാജ ഏജന്റുമാര്‍ വട്ടം ചുറ്റുന്നത്. അവരെ മാത്രമേ എളുപ്പത്തില്‍ പാട്ടിലാക്കാന്‍ കഴിയൂ എന്ന് ഈ വ്യാജന്മാര്‍ക്കറിയാം. ഇങ്ങനെയുള്ള പാവപ്പെട്ടവരായ സാധാരണക്കരെ സം രക്ഷിക്കേണ്ട ധാര്‍മ്മിക കടമ അവരുടെ മാതൃരാജ്യത്തിനില്ലേ?

ഗള്‍ഫിലെ ഇന്ത്യന്‍ എംബസ്സികളും മറ്റു സാമൂഹിക-സാംസ്ക്കാരിക സംഘടനകളും സംയുക്തമായി ബോധവല്‍ക്കരണ ക്യാമ്പുകള്‍ സംഘടിപ്പിക്കുകയും, വ്യാജ പാസ് പോര്‍ട്ടില്‍ യാത്ര ചെയ്യുമ്പോള്‍ വന്നു ഭവിക്കാവുന്ന വിപത്തുകളെക്കുറിച്ച് അവരെ ബോധവാന്മാരാക്കുകയും ചെയ്യുകയാണെങ്കില്‍ ഒരു പരിധിവരെ മംഗലാപുരം വിമാന ദുരന്തങ്ങള്‍ പോലെയുള്ള സംഭവങ്ങള്‍ ഒഴിവാക്കാം.

പ്രവാസികള്‍ ഭീകരവാദികളോ..?

പ്രവാസികളെ ഒന്നടങ്കം മുള്‍മുനയില്‍ നിര്‍ത്തി അമേരിക്കയിലെ ഇന്ത്യന്‍ എംബസ്സി-കോണ്‍സുലേറ്റുകള്‍ നടപ്പാക്കിയ പുതിയ പാസ്പോര്‍ട്ട് സറണ്ടര്‍ നിയമത്തിന്‌ കടിഞ്ഞാണിടാന്‍ അരയും തലയും മുറുക്കി രംഗത്തിറങ്ങിയ എല്ലാ മലയാളി നേതാക്കള്‍ക്കും അഭിവാദനങ്ങള്‍...! ഇന്ത്യന്‍ സര്‍ക്കാരിന്റെ പ്രവാസികളോടുള്ള അവഗണനയ്ക്ക് കടിഞ്ഞാണിടാനും മേലില്‍ ഇത്തരം കുടിലതന്ത്രങ്ങള്‍ പ്രവാസികള്‍ക്കു നേരെ പ്രയോഗിക്കാതിരിക്കാനുമുള്ള മുന്നറിയിപ്പിനും ഈ സംഭവവികാസങ്ങള്‍ ഉപകരിക്കുമെന്ന് പ്രതീക്ഷിക്കാം. സൂചികൊണ്ടെടുക്കേണ്ടത് തൂമ്പകൊണ്ടെടുക്കേണ്ട ഗതികേടിലായി നയതന്ത്രകാര്യാലയങ്ങള്‍.

യഥാര്‍ത്ഥത്തില്‍ ഇന്ത്യാ ഗവണ്മെന്റ് ധൃതിപിടിച്ച് ഇപ്പോഴൊരു നിയമം അനാവശ്യമായി വിദേശ ഇന്ത്യക്കാരില്‍ അടിച്ചേല്പ്പിക്കാനുണ്ടായ കാരണമെന്താണ് ? അതും മെയ് മാസത്തില്‍..! ഇന്ത്യയിലേക്ക് ഭീകരന്മാര്‍ നുഴഞ്ഞു കയറി രാജ്യത്ത് അക്രമം അഴിച്ചു വിടുന്നു എന്ന ന്യായം ഒരു വശത്തും, വിദേശ പൗരത്വമെടുത്തതിനു ശേഷവും ഇന്ത്യന്‍ പാസ്പോര്‍ട്ട് കൈവശം വെച്ച് പലരും യാത്ര ചെയ്യുന്നു എന്ന് മറുവശത്തും അവര്‍ നിരത്തുന്നുണ്ടെങ്കിലും അവ രണ്ടും പ്രായോഗികമല്ല എന്ന് സാമാന്യ ബുദ്ധിയുള്ളവര്‍ക്ക് മനസ്സിലാകും. സത്യത്തില്‍ പണത്തോടുള്ള അത്യാര്‍ത്തികൊണ്ടാണെന്ന യാഥാര്‍ത്ഥ്യവും തള്ളിക്കളയാനാവില്ല. വേനലവധിക്കാലമായതിനാല്‍ അനേകം പേര്‍ ഇന്ത്യയിലേക്ക് യാത്ര ചെയ്യുമെന്നും, ഈ സമയത്ത് ഏതെങ്കിലും നിയമത്തിന്റെ പേരു പറഞ്ഞ് പരമാവധി ഇന്ത്യക്കാരില്‍നിന്ന് പിഴിഞ്ഞെടുക്കാമെന്നുള്ള കണക്കുകൂട്ടലല്ലേ ഇത്തരമൊരു നീക്കത്തിനു പിന്നിലെന്നും സംശയിക്കുന്നതിലെന്താണ് തെറ്റ് ? വിമാനക്കമ്പനിക്കാര്‍ ചെയ്യുന്നതും അതുതന്നെയല്ലേ.

അതല്ല ഇനി ഭീകരാക്രമണം തടയാനാണെങ്കില്‍ ഭീകരര്‍ക്ക് ഒത്താശ ചെയ്തുകൊടുക്കുന്ന വിദേശങ്ങളിലെ ഇന്ത്യന്‍ നയതന്ത്ര ഉദ്യോഗസ്ഥരെയാണ്‌ ആദ്യം പ്രതിപ്പട്ടികയില്‍ ഉള്‍പ്പെടുത്തേണ്ടത്. ഇക്കഴിഞ്ഞ ഏപ്രില്‍ മാസത്തിലാണല്ലോ പാക്കിസ്ഥാനിലെ ഇസ്ലാമാബാദിലുള്ള ഇന്ത്യന്‍ എംബസ്സി ഉദ്യോഗസ്ഥ മാധുരി ഗുപ്തയെ ഇന്ത്യന്‍ രഹസ്യാന്വേഷണ ഏജന്‍സി അറസ്റ്റു ചെയ്തത്. ഇന്ത്യയുടെ തന്ത്രപ്രധാനമായ  പല രഹസ്യ പാക്കിസ്ഥാന്‍ ചാരസംഘടനയ്ക്ക് ചോര്‍ത്തിക്കൊടുത്തുകൊണ്ടിരിക്കുകയായിരുന്നു ഈ സെക്കന്റ് സെക്രട്ടറി. പഞ്ചാബിലെ ഭക്രാ അണക്കെട്ടിനു സമീപത്തുനിന്ന് കഴിഞ്ഞയാഴ്ച അറസ്റ്റിലായ ജര്‍മ്മനിയിലെ ഹാംബര്‍ഗ് സ്വദേശി തോമസ് കുഹന്‍ ജര്‍മ്മനിയ്ക്കുവേണ്ടി ചാരപ്പണി നടത്തുവാനാണ്‌ ഇന്ത്യയിലെത്തിയതെന്നും, ഭക്രാ അണക്കെട്ടിനു സമീപമുള്ള ഒരു അമ്പലത്തില്‍ നിന്നാണ്‌ ഇയാളെ അറസ്റ്റു ചെയ്തതെന്നും കേള്‍ക്കുമ്പോള്‍ ഇന്ത്യയുടെ ആഭ്യന്തര സുരക്ഷയുടെ സുതാര്യത എത്ര ബലഹീനമാണെന്നു മനസ്സിലാക്കാം. ഏറ്റവും ഞെട്ടിപ്പിക്കുന്ന സത്യം ഈ ചാരന്റെ കൈയില്‍ പാസ്പോര്‍ട്ടോ വിസയോ മറ്റു യാത്രാ രേഖകളോ ഒന്നുമില്ലത്രേ..! പിന്നെ ഇയാല്‍ എങ്ങനെ ഇന്ത്യയിലെത്തി..?

രാജ്യം കണ്ട ഏറ്റവും വലിയ ഭീകരാക്രമണമായിരുന്നു മുംബൈയില്‍ നടന്നത്. അതിന്റെ സൂത്രധാരകന്‍ ഒരു പാക്കിസ്ഥാനി-അമേരിക്കക്കാരനും. അയാള്‍ക്ക് മള്‍ട്ടിപ്പിള്‍ എന്‍ട്രി വിസ നല്‍കിയതോ ഷിക്കാഗോയിലെ  ഇന്ത്യന്‍ കോണ്‍സുലേറ്റും. തീര്‍ന്നില്ല, കോണ്‍സുലേറ്റിലെ തന്നെ  ചില ഉദ്യോഗസ്ഥര്‍ ഈ ഭീകരനുമായി വളരെ ബന്ധം സ്ഥാപിച്ചിരുന്നത്രേ. അതുകൊണ്ടാണ്‌ അയാള്‍ക്ക് നിഷ്പ്രയാസം ഇന്ത്യയിലേക്ക് യഥേഷ്ടം സഞ്ചരിക്കാന്‍ കഴിഞ്ഞതും..! ദാവൂദ് സെയ്ദ് ഗിലാനി ഒരു പാക്കിസ്ഥാന്‍ വംശജനായിരുന്നു എങ്കിലും അയാളുടെ പേര് പൂര്‍ണ്ണമായി മാറ്റി ഡേവിഡ് കോള്‍മാന്‍ ഹെഡ് ലി എന്ന അമേരിക്കന്‍ പേര് സ്വീകരിക്കാനുണ്ടായ കാരണം ഇന്ത്യയിലേക്ക് അനായാസം യാത്ര ചെയ്യുവാനും വിധ്വംസക പ്രവര്‍ത്തനങ്ങള്‍ നടത്തുവാനുമാണെന്ന് പിന്നീടു നടന്ന സംഭവവികാസങ്ങള്‍ തെളിയിക്കുന്നുണ്ട്. തന്നെയുമല്ല, ഈ ഭീകരപ്രവര്‍ത്തകന്റെ പേര് ഇന്ത്യയുടെ കരിമ്പട്ടികയില്‍ ഉണ്ടായിരുന്നുതാനും. പക്ഷെ, ഇന്ത്യന്‍ രഹസ്യാന്വേഷണ ഏജന്‍സികള്‍ക്കോ അയാള്‍ക്ക് വിസ നല്‍കിയ ഷിക്കാഗോയിലെ ഇന്ത്യന്‍ കോണ്‍സുലേറ്റിനോ അതു കണ്ടുപിടിക്കാന്‍ കഴിഞ്ഞില്ല. അയാളുടെ ചരിത്രം പരിശോധിക്കാതെ വിസ അനുവദിച്ചതിന്റെ ശിക്ഷ അനുഭവിച്ചതോ നിരപരാധികളായ മുബൈ നിവാസികളും സ്വന്തം ജീവന്‍ ബലിയര്‍പ്പിക്കേണ്ടി വന്നത് രാജ്യത്തിന്റെ ധീരജവാന്മാരുമായിരുന്നു. ഇപ്പോഴിതാ പ്രവാസികളെ ആ പേരു പറഞ്ഞ് ഭീഷണിപ്പെടുത്തി പണം പിരിക്കുന്നു.

ഡേവിഡ് കോള്‍മാന്‍ ഹെഡ് ലി എന്ന ദാവൂദ് സെയ്ദ് ഗിലാനിയും കൂട്ടാളിയായ കനേഡിയന്‍ പാക്കിസ്ഥാനിയുമായ തഹാവൂര്‍ റാണയ്ക്കും ഇന്ത്യയില്‍ നിര്‍ബാധം യാത്ര ചെയ്യുവാനും തന്ത്രപ്രധാനമായ പല സ്ഥലങ്ങളും സന്ദര്‍ശിക്കാനും അവസരമൊരുക്കുകയും ചെയ്തതു മാത്രമല്ല, ഇവരുടെ ചലനങ്ങള്‍ നിരീക്ഷിക്കാനോ ഇവരുടെ യാത്രയുടെ ഉദ്ദേശത്തെക്കുറിച്ച് അന്വേഷിക്കാനോ ഇന്ത്യന്‍ രഹസ്യാന്വേഷണ ഏജന്‍സികള്‍ തയ്യാറായില്ല. യാതൊരു അന്വേഷണവും നടത്താതെ ഈ ഭീകരര്‍ക്ക് വിസ അനുവദിച്ചു കൊടുത്തത് ഷിക്കാഗോയിലെ ഇന്ത്യന്‍ കോണ്‍സുലേറ്റ് ആയിരുന്നു. ഇപ്പോള്‍ ഇന്ത്യന്‍ വിദേശകാര്യമന്ത്രിയും, ആഭ്യന്തരകാര്യമന്ത്രിയും, പ്രവാസികാര്യമന്ത്രിയും പറയുന്നതുപോലെ ഭീകരവാദികളെ തടയാനാണ് ഈ പാസ്പോര്‍ട്ട് സറണ്ടര്‍ നിയമം കൊണ്ടുവന്നതെങ്കില്‍ അവരോട് ഒന്നേ പറയാനുള്ളൂ. പ്രവാസികള്‍ എന്നും ഇന്ത്യയുടെ യശസ്സ് ഉയര്‍ത്തിക്കാണിക്കാനേ ശ്രമിച്ചിട്ടുള്ളൂ. ഇന്ത്യയുടെ സമ്പദ്ഘടനയില്‍ കാതലായ മാറ്റം വന്നതും പ്രവാസികള്‍ ഇന്ത്യയിലേക്കയക്കുന്ന നിക്ഷേപങ്ങളിലൂടെയാണ്. അവരെ ചൂഷണം ചെയ്യുന്ന ഇന്ത്യന്‍ നയതന്ത്രകാര്യാലയവും ഉദ്യോഗസ്ഥവൃന്ദവുമാണ്‌ യഥാര്‍ത്ഥത്തില്‍ ഇന്ത്യയുടെ സല്പേരിന്‌ കളങ്കം ചാര്‍ത്തുന്നവര്‍. ന്യൂയോര്‍ക്ക് കോണ്‍സുലേറ്റിനു മുന്‍പില്‍ പ്രകടനം നടത്തിയവര്‍ ആരും തന്നെ ഭീകരരായിരുന്നില്ല. പല സംഘടനകളേയും പ്രതിനിധീകരിച്ച് മാന്യമായി പ്രകടനം നടത്താന്‍ എത്തിയ സംഘടനാ ഭാരവാഹികളേയും ദേശീയ നേതാക്കളേയും കാണാന്‍ പോലും തയ്യാറാകാതിരുന്ന കോണ്‍സുലേറ്റ് ഉദ്യോഗസ്ഥരെ ഏതു വിഭാഗത്തില്‍ പെടുത്താമെന്ന് ഊഹിക്കാവുന്നതേ ഉള്ളൂ. കുറഞ്ഞ പക്ഷം അവര്‍ക്ക് പറയാനുള്ളതെങ്കിലും കേള്‍ക്കാന്‍ സന്മനസ്സ് കാണിക്കാതിരുന്ന ഉദ്യോഗസ്ഥരാണോ ഇന്ത്യയുടെ യശസ്സ് ഉയര്‍ത്തിപ്പിടിക്കുന്നവര്‍? ഭീകരര്‍ക്ക് ഒത്താശ ചെയ്യുകയും മുപ്പതു വെള്ളിക്കാശിന്‌ മാതൃരാജ്യത്തെ ഒറ്റിക്കൊടുക്കുന്നവരുമാണ്‌ യഥാര്‍ത്ഥ ഭീകരര്‍. അങ്ങനെയുള്ളവരെ തിരിച്ചറിയാനും മേല്‍നടപടികള്‍ സ്വീകരിക്കാനും ഇന്ത്യ തയ്യാറായില്ലെങ്കില്‍ ഇനിയും അനേകം ഭീകരര്‍ പല രാജ്യങ്ങളില്‍ നിന്നും ഇന്ത്യയില്‍ വന്ന് ഭീകരാക്രമണം നടത്തുമെന്ന് തീര്‍ച്ച.

വൈകിയാണെങ്കിലും ഇന്ത്യന്‍ കോണ്‍സുലേറ്റ് വീണ്ടുവിചാരം കൈക്കൊണ്ട് പ്രകടനത്തിന്റെ പേരില്‍ അവഹേളിച്ചുവിട്ട നേതാക്കളെ നേരില്‍ കാണാന്‍ സന്മനസ്സു കാണിക്കുകയും പാസ്പോ ര്‍ട്ട് സറണ്ടര്‍ ഫീയുടെ കാര്യത്തില്‍ മാറ്റം വരുത്തുകയും ചെയ്തതില്‍ മലയാളി സമൂഹം ഒന്നടങ്കം കൃതജ്ഞരാണെന്നതില്‍ സംശയമില്ല. മേലില്‍ ഇത്തരം നിയമങ്ങള്‍ പ്രാബല്യത്തില്‍ കൊണ്ടുവരുന്നതിനു മുന്‍പ് പ്രവാസികളുമായും അവരുടെ സംഘടനകളുമായും ആലോചിച്ചേ തീരുമാനമെടുക്കൂ എന്നും പ്രത്യാശിക്കാം. ഫോമ, ഫൊക്കാന മുതലായ സംഘടനകളുടെ അഭ്യുദയകാംക്ഷിയും, പ്രവാസികാര്യമന്ത്രിയുമായ ശ്രീ വയലാര്‍ രവി കണ്‍‌വന്‍‌ഷനുകളില്‍ പങ്കെടുക്കുവാന്‍ എത്തുന്നുണ്ടെന്നതും നമുക്ക് ആശയ്ക്കു വക നല്‍കുന്നു. ഈ രണ്ടു സംഘടനകളും കാര്യങ്ങളുടെ ഗൗരവം മന്ത്രിയെ ധരിപ്പിക്കുമെന്ന് വിശ്വസിക്കാം.

ഉണ്ണിത്താനും ഉടുമുണ്ടും പിന്നെ മുരളിയും

ഏതൊരച്ചനും ആഗ്രഹിക്കുന്നതാണ് തനിക്കൊരു പിന്‍ഗാമി വേണം അല്ലെങ്കില്‍ തന്റെ ബിസിനസ്സ് സീക്രട്ട് സ്വന്തം മക്കള്‍ക്ക് കൈമാറണമെന്നത്. പതിറ്റാണ്ടുകളോളം കേരള രാഷ്ട്രീയത്തില്‍ തിളങ്ങിനിന്നിരുന്ന സാക്ഷാല്‍ ലീഡര്‍ക്കും അങ്ങനെയൊരു മോഹം മനസ്സില്‍ മുളച്ചുപൊന്തിയതിന് ഇത്രയധികം കാഹളം മുഴക്കേണ്ട കാര്യമെന്തെന്ന് സാധാരണക്കാര്‍ ചോദിക്കുന്നതിലെന്താണ് തെറ്റ്. രാഷ്ട്രീയ ഗോദായിലേക്ക് വിരല്‍തുമ്പില്‍ പിടിച്ച് കയറ്റി, കാക്കയ്ക്കും പരുന്തിനും കൊടുക്കാതെ പതിനെട്ടടവും പൂഴിക്കടകനും പഠിപ്പിച്ച് മെയ്‌വഴക്കവും കൈതഴക്കവും വന്ന പോരാളിയാക്കിയപ്പോള്‍ ''അഛാ, അഛനഛന്റെ വഴി, എനിക്കെന്റെ വഴി..'' എന്നു പറഞ്ഞ് വഴിപിരിഞ്ഞുപോയ മുരളി മാനസാന്തരപ്പെട്ട് തിരിച്ചു വരുന്നത് കേട്ടപ്പോള്‍ ഏതൊരഛനെയുംപോലെ ലീഡറുടേയും മനസ്സൊന്നു കുളിര്‍ത്തു. വീട്ടില്‍ നിന്നിറങ്ങിപ്പോയ മുടിയനായ പുത്രനാണെങ്കിലും കാക്കയ്ക്കും തന്‍കുഞ്ഞ് പൊന്‍കുഞ്ഞു തന്നെയല്ലേ.

നടക്കാന്‍ വയ്യെങ്കിലും ഇന്ദ്രപ്രസ്ഥത്തിന്റെ വരാന്തയിലൂടെ തലങ്ങും വിലങ്ങും നടന്നത് വെറുതെയായില്ല എന്ന് ലീഡര്‍ക്കും തോന്നിത്തുടങ്ങിയപ്പോഴാണ് അനന്തപുരിയിലുള്ള നേതാക്കള്‍ക്ക് വെകിളി പിടിച്ചത്. പിന്നെ പാരകളുടെ പ്രവാഹമായി. ''എനിക്ക് സ്ഥാനമാനങ്ങള്‍ ഒന്നും വേണ്ട, അടങ്ങിയൊതുങ്ങി സല്‍സ്വഭാവിയായി ഞാനാ മൂലയിലെങ്ങാനും ചുരുണ്ടുകൂടിക്കൊള്ളാം'' എന്ന് പറഞ്ഞിട്ടും മുരളിയുടെ തിരിച്ചുവരവിന് പാര പണിയാന്‍ അഹോരാത്രം പരിശ്രമിക്കുകയാണ് കേരളത്തിലെ കോണ്‍ഗ്രസ്സ് നേതാക്കള്‍.

''നല്ലവനെങ്കില്‍ നല്ലവന്‍ ചീത്തയായാല്‍ തനിതറ....'' എന്ന് തെളിയിച്ച നേതാവാണ് മുരളി. 2004ല്‍ മറ്റൊരു കോണ്‍ഗ്രസ്സ് നേതാവ് രാജ്‌മോഹന്‍ഉണ്ണിത്താന്റെ ഉടുമുണ്ട് പറിച്ചെറിഞ്ഞ് ഉത്ഘാടനകര്‍മ്മം നിര്‍വ്വഹിച്ചാണ്  തന്റെ കഴിവ് അദ്ദേഹം പ്രകടിപ്പിച്ചത്.ഉടുതുണി പൊക്കാനും പറിച്ചെറിയാനും പേരുകേട്ടവരാണല്ലോ കേരളീയര്‍. അതും രാഷ്ട്രീയക്കാര്‍. ഉണ്ണിത്താനെ അറിയില്ലേ...? മഞ്ചേരിയില്‍ വെച്ച് ഒരു പെണ്ണിന്റെ കൂടെ പോലീസ് പൊക്കിയ നേതാവ്? അസാന്മാര്‍ഗ്ഗിക നടപടിക്ക് കേസെടുത്തതു കാരണം കോണ്‍ഗ്രസ്സ് പാര്‍ട്ടിയില്‍ നിന്ന് സസ്‌പെന്‍ഡ് ചെയ്യപ്പെടുകയും അന്വേഷണത്തെ നേരിട്ട് അഗ്നിശുദ്ധി വരുത്തി പൂര്‍വ്വാധികം ശക്തിയോടെ തിരിച്ചു വന്ന നേതാവ്....!താന്‍ നിരപരാധിയാണെന്ന ''ക്ലീന്‍ ചിറ്റുമായി'' പുറത്തിറങ്ങിയ ഉണ്ണിത്താന്‍ താന്‍ നേരിട്ട ദുര്‍ഗതി ഇനിയൊരാള്‍ക്കും വരല്ലേ എന്ന ദൃഢപ്രതിജ്ഞയെടുത്ത് പ്രവര്‍ത്തനം തുടങ്ങിക്കഴിഞ്ഞു. പുരുഷനും സ്ത്രീക്കും ഏതു പാതിരാത്രിക്കും എവിടേയും നിര്‍ഭയം സഞ്ചരിക്കാവുന്ന ഒരു ബില്ലിന്റെ കരടുരേഖയുണ്ടാക്കുന്നതിന്റെ പണിപ്പുരയിലാണത്രേഈ നേതാവ്. സദാചാരബോധമില്ലാത്ത കമ്യൂണിസ്റ്റു പാര്‍ട്ടിയുടെ കപട മുഖംമൂടി വലിച്ചുകീറിയിട്ടേ ഞാനടങ്ങൂ എന്നാണ് ഉണ്ണിത്താന്‍ ശപഥം ചെയ്തിരിക്കുന്നത്. പ്രായപൂര്‍ത്തിയായ ഏതൊരു പുരുഷനും സ്ത്രീക്കും ഒന്നിച്ചു താമസിക്കാമെന്ന സുപ്രീം കോടതി വിധിയാണ് ഉണ്ണിത്താന്റെ തുറുപ്പു ചീട്ട്.

മുരളി കോണ്‍ഗ്രസ്സിലേക്ക് തിരിച്ചുവന്നാല്‍ തക്കം കിട്ടിയാല്‍ ഉണ്ണിത്താന്റെ മുണ്ടുരിയുമെന്നുറപ്പ്. ഇത് നേരത്തെ മുന്നില്‍ കണ്ട ഉണ്ണിത്താന്‍ മുണ്ടിനു പകരം പാന്റും ഷര്‍ട്ടുമാക്കാന്‍ ആലോചിച്ച് നല്ല തയ്യല്‍ക്കാരെ അന്വേഷിച്ചു നടക്കുമ്പോഴാണ് മഞ്ചേരിയിലെ തയ്യല്‍ക്കടയെക്കുറിച്ച് കേള്‍ക്കുന്നത്. നേരെ വെച്ചുപിടിച്ചു മഞ്ചേരിയിലേക്ക്. അവിടെ ചെന്നപ്പോഴാണ് അറിയുന്നത് തയ്യല്‍ക്കട നടത്തുന്നത് പണ്ട് തന്റെ കൂടെ ജനസേവനത്തിനിറങ്ങിത്തിരിച്ച ജയലക്ഷ്മിയാണെന്ന്. ഹായ്... എന്തൊരത്ഭുതം! പഴയ നേതാവിനെക്കണ്ടപ്പോള്‍ ജയലക്ഷ്മിയ്ക്കും സന്തോഷമായി.

ഒരു നാലു ജോഡി പാന്റും ഷര്‍ട്ടും തല്‍ക്കാലം തയ്പ്പിക്കണം. തന്റെ ആവശ്യം ഉണ്ണിത്താന്‍ അറിയിച്ചു. ജയലക്ഷ്മി ആദ്യം ഷര്‍ട്ടിന്റെ അളവെടുത്തു. കുടവയറുള്ള ഉണ്ണിത്താന്റെ പാന്റിന്റെ അളവ് കൃത്യമായി എടുക്കണമെങ്കില്‍ ഇച്ചിരി ബുദ്ധിമുട്ടുണ്ട്. അതുകൊണ്ട് ഉണ്ണിത്താന് മുണ്ട് അഴിക്കേണ്ടിവന്നു. വളരെ സൗകര്യമായി പാന്റിന്റെ അളവെടുത്തുകൊണ്ടിരിക്കുമ്പോഴാണ് ഏതോ ഏമ്പോക്കികള്‍ ഒളിഞ്ഞുനിന്ന് അതു കണ്ടത്. അയാള്‍ വിളിച്ചുകൂവി ജനങ്ങളെ കൂട്ടിയപ്പോള്‍ പണ്ട് മുരളി ഉടുമുണ്ടുരിഞ്ഞപ്പോള്‍ അന്തംവിട്ടു നിന്നപോലെ ഉണ്ണിത്താനുംനിന്നുപോയി. അത്രേയുള്ളൂ.  ഹോട്ടലില്‍ കയറിയാല്‍ തൂമന്ദഹാസവുമായി തൂശനിലയില്‍ തുമ്പപ്പൂ ചോറു വിളമ്പുന്ന സുന്ദരികളും, സാരിക്കടയില്‍ ചെന്നാല്‍ സാരിയുടുത്ത് ശരീരവടിവു കാണിച്ചു തരുന്ന തരുണീമണികളുമുള്ള നമ്മുടെ കേരളത്തില്‍ ഉണ്ണിത്താനെപ്പോലുള്ളവര്‍ ഒരു തയ്യല്‍ക്കടയില്‍ ചെന്ന് പാന്റിന്റെ അളവെടുത്തത് ഇത്ര പൊല്ലാപ്പാക്കുന്നതെന്തിനാണെന്നാണ് കോണ്‍ഗ്രസ്സ് നേതൃത്വം ചോദിക്കുന്നത്.

മുരളിയെ തിരിച്ചെടുത്ത് കേരളത്തിലേക്ക് വിട്ടാല്‍ ആരുടെയൊക്കെ ഉടുമുണ്ടുരിയുമെന്ന് ദൈവത്തിനു മാത്രമേ അറിയൂ. ഹൈക്കമാന്റ് മുരളിയെ എ.ഐ.സി.സി. സെക്രട്ടറിയാക്കാമെന്നു പറഞ്ഞിട്ടും മുരളിക്കതു വേണ്ട. കാരണം തന്റെ കര്‍മ്മമണ്ഡലം വടക്കേ ഇന്ത്യയിലാക്കുന്നത് മുരളിക്ക് ഇഷ്ടമല്ല. അവിടെയെല്ലാവരും പാന്റ്‌സും കുര്‍ത്ത പൈജാമയുമൊക്കെയാണ് ധരിക്കുന്നത്. കേരളത്തിലാണെങ്കില്‍ എല്ലാവരും മുണ്ടാണ് ഉടുക്കുന്നത്. ഉരിയാന്‍ എളുപ്പം അതാണ്. ഉമ്മന്‍ചാണ്ടിയും രമേശ് ചെന്നിത്തലയുമൊക്കെ മുണ്ടാണുടുക്കുന്നത്. മുരളി തിരിച്ചു വന്നാല്‍ ആരുടെ മുണ്ടാണ് ഉരിഞ്ഞെറിയുന്നതെന്നുള്ള അങ്കലാപ്പിലാണ് നേതാക്കളെല്ലാം. മുരളിയുടെ നോട്ടം അവരുടെ ഉടുമുണ്ടിലാണ്. അതു തന്നെയാണ് നേതാക്കളുടെ പേടിയും. അതുകൊണ്ടാണത്രേ മുരളിയെ തിരിച്ചെടുത്താലും കേരളത്തിലേക്ക് വിടരുതെന്ന് അവര്‍ ആവര്‍ത്തിച്ച് പറയുന്നത്. പാര്‍ട്ടിക്കിട്ട് പാരപണിതവരേയും അച്ചടക്കലംഘനം നടത്തിയവരേയും ചവിട്ടിക്കൊന്നവരേയുമൊക്കെ കോണ്‍ഗ്രസ്സില്‍ തിരിച്ചെടുത്തിട്ടും എന്തുകൊണ്ട് എന്നെ മാത്രം തിരിച്ചെടുക്കുന്നില്ല എന്നാണ് മുരളി ചോദിക്കുന്നത്. ഈ മുണ്ടുരിയല്‍ സ്വഭാവമുള്ളയാളെ എങ്ങനെ വിശ്വസിക്കുമെന്ന് കേരള നേതൃത്വവും ചോദിക്കുന്നു. ഇനിയാരുടേയും മുണ്ടുരിയുകയില്ല എന്നും മുണ്ടിലേക്ക് നോക്കുകപോലും ചെയ്യുകയില്ല എന്നും രാഹുല്‍ ഗാന്ധിയുടെ കാല്‍ക്കള്‍ വീണ് പറഞ്ഞതിനുശേഷമാണത്രേ മുരളിയെ ''പരിഗണനയ്ക്കായി'' ഇന്ദ്രപ്രസ്ഥത്തിലേക്ക് വിളിപ്പിച്ചിരിക്കുന്നത്.ഏതായാലും ഹൈക്കമാന്റ് വല്ലാത്തൊരു പ്രതിസന്ധിയിലാണെന്നാണ് പിന്നാമ്പുറ സംസാരം.

തകരുന്ന കുടുംബ ബന്ധങ്ങള്‍

"മക്കളെ കണ്ടും മാമ്പൂ കണ്ടും മോഹിക്കരുതെന്ന്" പഴമക്കാര്‍ പറയാറുണ്ട്. ആറ്റുനോറ്റു വളര്‍ത്തി വലുതാക്കിയ മക്കള്‍ അവസാനം മാതാപിതാക്കളെ തള്ളിപ്പറയുമ്പോള്‍ അതുവരെ മനസ്സില്‍ കാത്തുസൂക്ഷിച്ചിരുന്ന ശുഭപ്രതീക്ഷകളെല്ലാം തകര്‍ന്നു തരിപ്പണമാകുന്നു. മാമ്പൂവിന്‍റേയും ഗതി ഇതു തന്നെ. അച്ഛനും അമ്മയും മക്കളുമടങ്ങുന്ന കുടുംബം ഇന്ന് നേരിടുന്ന ഏറ്റവും വലിയ പ്രശ്നവും അതു തന്നെ. അനന്തരാവകാശികളില്ലാതെ വരുമ്പോഴാണ് കുടുംബം അന്യം നിന്നുപോകുന്നു എന്നു പറയുന്നത്. എന്നാല്‍ ഇപ്പോള്‍ കുടുംബസംവിധാനം നേരിടുന്ന വലിയ ഭീഷണി അനന്തരാവ കാശികളുടെ അഭാവമല്ല; മനുഷ്യരാശിയില്‍ വലിയ പ്രത്യാഘാതമുണ്ടായേക്കാവുന്ന കുടുംബ ബന്ധങ്ങളിലെ നിരാകരണമാണ്. 

തിരക്കുപിടിച്ച ജീവിതചര്യകള്‍ക്കിടയില്‍ സ്വന്തം കുഞ്ഞുങ്ങളെ വേണ്ടവിധം പരിചരിക്കാനോ അവരുടെ ആവശ്യങ്ങള്‍ കണ്ടറിഞ്ഞ് നിറവേറ്റാനോ സമയം കണ്ടെത്താത്ത മാതാപിതാക്കള്‍, വളര്‍ന്നുവരുന്ന കുഞ്ഞുങ്ങള്‍ അവരില്‍നിന്ന് അകന്നുപോകുന്നതും അറിയുന്നില്ല. തന്മൂലം ഉത്തരദ്രുവവും ദക്ഷിണ ദ്രുവവും പോലെ ഒരു കൂരക്കീഴില്‍ എല്ലാവരും കഴിയേണ്ടിവരുന്നു. പലരും പറയുന്ന ഒരു കാര്യമാണ് മക്കളോടുള്ള സ്നേഹം മനസ്സില്‍ മതിയെന്ന്. അത് തീര്‍ത്തും തെറ്റാണ്. ചുമയും സ്നേഹവും ഒളിച്ചു വെക്കയ്ക്കതെന്ന് പറയാറുണ്ട്. സ്നേഹം മനസ്സില്‍ സൂക്ഷിച്ചു വെക്കേണ്ട ഒന്നല്ല. തന്നെ മാതാപിതാക്കള്‍ സ്നേഹിക്കുന്നുണ്ടെന്ന് കുട്ടി അറിയണം. സ്നേഹം ഉള്ളില്‍ സൂക്ഷിക്കുന്ന രക്ഷിതാക്കള്‍ മക്കളില്‍ നിന്ന് സ്നേഹം ലഭിക്കണമെന്ന് ആശിക്കുന്നതില്‍ ഒരര്‍ത്ഥവുമില്ല.

പോറ്റി വളര്‍ത്തി വലുതാക്കി മാനുഷിക ബന്ധങ്ങള്‍ മാനിക്കുന്ന, ഉത്തരവാദിത്വവും ധാര്‍മ്മിക പ്രതി ബദ്ധതയും സംസ്ക്കാരവും സാമൂഹിക ബോധവുമുള്ള മനുഷ്യനായി മാറ്റുന്ന കുടുംബത്തെ ഒരനാശാസ്യസ്ഥാപനമായി ആധുനിക യുവജനത വിലയിരുത്തുന്നു. അല്ലെങ്കില്‍ അവരെ അങ്ങനെ ചിന്തിക്കാന്‍ പ്രേരിപ്പിക്കുന്നു. അതിന്‍റെ ഏറ്റവും വലിയ തെളിവാണ് ഇടതുപക്ഷ ജനാധിപത്യമുന്നണി ഭരിക്കുന്ന കേരളം നേരിടുവാന്‍ പോകുന്നത്. ദൈവവിശ്വാസമില്ലാത്ത ഭരണാധികാരികള്‍ ഒരു ദേശം ഭരിച്ചാല്‍ ജനങ്ങളെങ്ങനെ ദൈവവിശ്വാസികളാകും? പാര്‍ട്ടിയംഗങ്ങളായ ജനപ്രതിനിധികള്‍ മതാ ചാരങ്ങളിലോ മതചടങ്ങുകളിലോ പങ്കെടുക്കരുതെന്ന പോളിറ്റ് ബ്യൂറോയുടെ നിര്‍ദ്ദേശം കേരളത്തെ സംബന്ധിച്ചിടത്തോളം ഒരു അസംബന്ധമെന്നേ പറയാന്‍ കഴിയൂ. കുടുംബസംവിധാനത്തിന്‍റെ സാധുതയെ നേരത്തേ നിരാകരിച്ചത് മാര്‍ക്സിസ്റ്റ് ദര്‍ശനമാണ്. സ്വകാര്യ സ്വത്തിന്‍റെ സൃഷ്ടിയാണ് കുടുംബം എന്നാണവരുടെ കണ്ടെത്തല്‍. വ്യക്തികള്‍ വിഭവങ്ങളും ഉല്പാദനോപാധികളും സമ്പാദിച്ച് സ്വന്തം ഉടമസ്ഥതയിലാക്കാന്‍ തുടങ്ങിയപ്പോള്‍ ആ ഉടമസ്ഥത നിലനിര്‍ത്താന്‍ ആവിഷ്ക്കരിക്കപ്പെട്ട സംവിധാനമാണ് കുടുംബം. സ്വകാര്യ ഉടമസ്ഥത നിര്‍മാര്‍ജനം ചെയ്യപ്പെടുകയും കമ്മ്യൂണിസ്റ്റ് വ്യവസ്ഥിതി നിലവില്‍ വരികയും ചെയ്യുമ്പോള്‍ ഭരണകൂടം എന്നപോലെ കുടുംബവും സ്വയം ഇല്ലാതാകുമത്രേ. പക്ഷേ, കമ്മ്യൂണിസം സ്വയം ഇല്ലാതായെങ്കിലും ഒരിടത്തും കുടുംബം ഇല്ലാതായിട്ടില്ല. കുടുംബ ബന്ധങ്ങള്‍ക്ക് ഏറ്റവും വിലകല്‍പ്പിക്കുന്നത് കേരളീയരാണെന്ന് വേണമെങ്കില്‍ പറയാം. ആ കുടുംബ ബന്ധങ്ങളെ വേരോടെ പിഴുതെറിയാനും അതുവഴി കുടുംബശിഥിലീകരണം നേരിടേണ്ടിവരുന്ന അവസ്ഥയിലേക്കാണ് സര്‍ക്കാരിന്‍റെ പുതിയ നയം വ്യക്തമാകുന്നത്. എതിര്‍പ്പുകളെ അവഗണിച്ച് കേരളത്തില്‍ ഇടതു സര്‍ക്കാര്‍ പാഠ്യപദ്ധതിയില്‍ വരുത്തുന്ന മാറ്റങ്ങള്‍ വളര്‍ന്നു വരുന്ന കുട്ടികളെ നിരീശ്വരവാദികളാക്കാനും, കുടുംബ മര്യാദയില്ലാത്തവരാക്കാനും ഉദ്ദേശിച്ചുകൊണ്ടു തന്നെയാണ്. ഓരോ വ്യക്തികളുടെയും ദൈവ-മതവിശ്വാസങ്ങളില്‍ പാര്‍ട്ടിയുടെ കടിഞ്ഞാണ്‍ വീണതുകൊണ്ടാണല്ലോ അബ്ദുള്ളക്കുട്ടിയെപ്പോലുള്ളവരും ഡോ. മനോജിനെപ്പോലെയുള്ള വരും പാര്‍ട്ടിയെ തള്ളിപ്പറഞ്ഞ് പുറത്തുപോയത്.

കുടുംബത്തില്‍ പിറക്കുകയും മാതാപിതാക്കളുടെ സശ്രദ്ധമായ പരിചരണത്തില്‍ വളര്‍ന്നു വലുതാകുകയും ചെയ്തവര്‍ അവസാനം തിരിഞ്ഞുനിന്ന് കുടുംബത്തെ ആക്ഷേപിക്കുകയും, ദൈവവിശ്വാസികളല്ലാതാകുകയും ചെയ്താലത്തെ അവസ്ഥ അതിഭീകരമായിരിക്കും. ഈയ്യിടെ തിരുവനന്തപുരത്ത് വനിതാ കമ്മീഷന്‍ സംഘടിപ്പിച്ച "കാണാതാകുന്ന പെണ്‍കുട്ടികള്‍, പ്രശ്നങ്ങള്‍ പരിഹാരങ്ങള്‍" എന്ന ശില്‍പശാലയില്‍ പോലീസ് ഡയറക്ടര്‍ ജനറല്‍ ജേക്കബ് പുന്നൂസ് നടത്തിയ പ്രസ്ഥാവന ഏറെ ശ്രദ്ധേയമാണ്. കുടുംബങ്ങളില്‍ മാതാപിതാക്കളോടും സഹോദരങ്ങളോടും സ്കൂളില്‍ അധ്യാപകരോടുമുള്ള ബന്ധത്തിലുണ്ടാകുന്ന തകര്‍ച്ചയുടെ ഫലമാണത്രേ കുട്ടികള്‍ ഒളിച്ചോടിപ്പോകുന്നതിന്‍റെ മുഖ്യകാരണം.

കേരളത്തില്‍ ഇന്ന് നടക്കുന്ന അക്രമങ്ങള്‍, കൊള്ള, കൊലപാതകം മുതലായവയുടെ പ്രഭവസ്ഥാനം കുടുംബങ്ങളില്‍ തന്നെയാണ്. കുടുംബങ്ങളിലെ സ്നേഹ നിരാസമാണ് കുട്ടികളെ ക്രൂരന്മാരും സാമൂഹികവിരുദ്ധരുമാക്കുന്നത്. താരതമ്യേന അവര്‍ സ്വാര്‍ത്ഥരും സ്വന്തം സുഖലോലുപതകള്‍ക്ക് വിഘ്നമാകുന്ന എന്തിനേയും നിഷ്ക്കരുണം ഇല്ലായ്മചെയ്യുവാനും മടിക്കാത്തവരായി മാറുകയും ചെയ്യുന്നു. കേരളത്തില്‍ മാതാപിതാക്കളും സഹോദരന്മാരും ഭാര്യാഭര്‍ത്താക്കന്മാരും പരസ്പരവിശ്വാസം നഷ്ടപ്പെട്ടവരായി ജീവിക്കുന്നതും പരസ്പരം കഴുത്തുവെട്ടുന്ന നിലയിലേക്ക് എത്തിച്ചേര്‍ന്നതും മേല്‍പറഞ്ഞ കുടുംബ പ്രശ്നങ്ങളില്‍നിന്ന് ഉടലെടുത്തതാണ്. പഴയ കാലത്തുണ്ടായിരുന്ന രൂപക്കൂടും, പ്രാര്‍ത്ഥനാമുറികളും, നിസ്ക്കാരപ്പായയുമൊക്കെ അപ്രത്യക്ഷമാകുകയും ടെലിവിഷന്‍ സെറ്റുകള്‍ തത്സ്ഥാനത്ത് സ്ഥാപിക്കുകയും, മാതാപിതാക്കളും മക്കളും ഒന്നിച്ചിരുന്ന് സ്ന്ധ്യാപ്രാര്‍ത്ഥന ചൊല്ലിയിരുന്ന സമയം ചാനലുകാര്‍ കൈയ്യടക്കുകയും ചെയ്തതോടെ കുടുംബജീവിതം ഒരു റിയാലിറ്റി ഷോ പോലെയായി. സന്ധ്യമയങ്ങുംനേരം സന്ധ്യാനാമങ്ങള്‍ കേട്ടിരുന്ന വീടുകളിലിന്ന് അട്ടഹാസവും, ആക്രോശവും, കൊലവിളികളുമാണ് മുഴങ്ങുന്നത്. കുരിശു വരച്ചും, നാമം ജപിച്ചും, നിസ്ക്കരിച്ചും, യാസീന്‍ ഓതിയും വീടിന്‍റെ ഐശ്വര്യത്തിനും അഭിവൃദ്ധിക്കും വേണ്ടി പ്രാര്‍ത്ഥിച്ചിരുന്നവര്‍ ടെലിവിഷന്‍ സ്ക്രീനില്‍ മിന്നിമറയുന്ന മായാജാലങ്ങളില്‍ കണ്ണും നട്ട് കണ്ണീരൊഴുക്കുകയും നെടുവീര്‍പ്പിടുകയും ചെയ്യുന്നു. യാതൊരു മാനദണ്ഡവുമില്ലാതെ, ചില വികലമനസ്സുകളില്‍ ഉരുത്തിരിയുന്ന വികട കഥകള്‍ സീരിയലുകളാക്കി ചാനലുകാര്‍ക്ക് വിറ്റ് കാശാക്കുന്ന മന്ദബുദ്ധികളായ സീരിയല്‍ നിര്‍മ്മാതാക്കള്‍ക്ക് ഓരോ കുടുംബങ്ങളിലും നടക്കുന്ന സംഘര്‍ഷങ്ങളും തിരസ്ക്കരണങ്ങളും ഒരു പ്രശ്നമേ അല്ല. യാതൊരു സാമൂഹ്യ പ്രതിബദ്ധതയുമില്ലാതെ ചാനലുകാര്‍ മത്സരിച്ച് ഓരോ സീരിയലുകളും പ്രദര്‍ശിപ്പിക്കുമ്പോള്‍ സമൂഹത്തില്‍ അവര്‍ സൃഷ്ടിക്കുന്ന പ്രത്യാഘാതങ്ങള്‍ എത്ര ഗൗരവമുള്ള താണെന്ന് മനസ്സിലാക്കുന്നുമില്ല.  

കുട്ടികളുടെ സ്വഭാവത്തിലും പഠനരീതിയിലും മാറ്റങ്ങള്‍ വരുന്നത് നിരീക്ഷിച്ച് യഥാസമയം പ്രതിവിധി കണ്ടെത്തി അവരെ നല്ല രീതിയില്‍ നയിക്കേണ്ട ബാദ്ധ്യത മാതാപിതാക്കള്‍ക്കാണ്. കുടുംബത്തില്‍ നിന്ന് സ്നേഹവും സംരക്ഷണവും ലഭിക്കാതെ വരുമ്പോള്‍ അവര്‍ മൊബൈല്‍ ഫോണിലും, ചാറ്റിംഗിലും, സൈബര്‍ കഫേകളിലും അഭയം കണ്ടെത്തുകയും കുടുംബ ബന്ധങ്ങളില്‍നിന്ന് അകന്ന് അവരുടേതായ ലോകത്തില്‍ വിലയം പ്രാപിക്കുകയും ചെയ്യുന്നു. 

പേരിലൊളിച്ചിരിക്കുന്ന പൊല്ലാപ്പ്

വളര്‍ത്തുകയും പിളര്‍ത്തുകയും പിളര്‍ത്തുന്തോറും വളര്‍ത്തുകയും വളര്‍ന്നു വരുന്നതിനെ വേരോടെ പിഴുതെറിയുകയും ചെയ്യുന്ന ജീവികള്‍ക്ക് ഗിന്നസ് ബുക്കില്‍ ഇടം കൊടുത്താല്‍ തീര്‍ച്ചയായും അത് മലയാളികള്‍ക്ക് കിട്ടുമെന്ന് ഉറപ്പാണ്. നാലാള്‍ കൂടിയാല്‍ ഒരു സംഘടന തല്ലിക്കൂട്ടുകയും അതില്‍ എട്ടുപേര്‍ ചേര്‍ന്നാല്‍ രണ്ടു പേര്‍ മാറിനിന്ന് പാരപണിയാനും മിടുക്കര്‍ മലയാളികള്‍ തന്നെ.

ഒന്നു വെച്ചാല്‍ മൂന്ന് മൂന്നുവെച്ചാല്‍ ആറ് എന്ന് ഉത്സവപ്പറമ്പുകളിലെ ആന-മയില്‍-ഒട്ടകക്കളിക്കാരെപ്പോലെയാണ്‌ ഇന്ന് അമേരിക്കന്‍ മലയാളികള്‍ സംഘടനകളുണ്ടാക്കുന്നത്. ആരെങ്കിലും ഏതെങ്കിലും നല്ല കാര്യത്തിനുവേണ്ടി ഒരു ചെല്ലപ്പേരില്‍ ഒരു അസോസിയേഷനുണ്ടാക്കി അതൊന്നു പച്ച പിടിച്ചു വരുമ്പോഴായിരിക്കും ചിലര്‍ക്ക് ചൊറിച്ചില്‍ കയറുന്നത്. ഉടനെ തുടങ്ങും അവര്‍ മറ്റൊരെണ്ണം. വേറെ ചിലര്‍ തൊഴുത്തില്‍ കെട്ടിയിട്ട പട്ടിയെപ്പോലെയാണ്‌. സ്വയം പുല്ലു തിന്നുകയുമില്ല പശുവിനെക്കൊണ്ട് തീറ്റിക്കുകയുമില്ല. ഇതൊരു സാംക്രമിക രോഗമായി അമേരിക്കയാകെ പടര്‍ന്നു പിടിച്ചിരിക്കുകയാണ്‌. ഒറിജിനലിനെ വെല്ലുന്ന ഡ്യൂപ്ലിക്കേറ്റ് പേരുകളുമായാണ്‌ മിക്ക സംഘടനകളും മുളച്ചുപൊങ്ങുന്നതെന്നാണ്‌ മറ്റൊരു പ്രത്യേകത. അതുകൊണ്ടുതന്നെ സാദാ ജനങ്ങള്‍ കണ്‍ഫ്യൂഷനിലുമാകും. ഏതൊരു അസോസിയേഷനെടുത്തു നോക്കിയാലും അപരന്മാരുടെ അതിപ്രസരവും കാണാം. മീന, കീന, അമ്മ, ആമ, മാമ, ഫൊക്കാന, ഫോമാ....പേരുകള്‍ അനവധി. കൂട്ടിയും കിഴിച്ചും ഹരിച്ചും ഗണിച്ചും എങ്ങനെ തിരിച്ചും മറിച്ചും നോക്കിയാലും കിട്ടുന്ന ഉത്തരം ഒന്നു തന്നെ. "പഴയ വീഞ്ഞ് പുതിയ കുപ്പിയില്‍..."

ഒരു പേരിലെന്തിരിക്കുന്നു എന്ന് ഒരു പക്ഷേ ചോദിച്ചേക്കാം. പേരിലാണല്ലോ എല്ലാം അടങ്ങിയിരിക്കുന്നത്. ഉചിതമായ പേരിട്ടില്ലെങ്കില്‍ ചിലപ്പോള്‍ അതിന്റെ ഉടമസ്ഥര്‍ക്ക് പല പ്രശ്നങ്ങളും അഭിമുഖീകരിക്കേണ്ടീവരുമെന്ന് ഈയ്യടുത്ത നാളുകളലെ സംഭവങ്ങള്‍ ചൂണ്ടിക്കാണിക്കുന്നു. രണ്ടു ദിവസങ്ങള്‍ക്കു മുന്‍പ് ജര്‍മ്മനിയിലൊരു പതിനാറുകാരനെ ഒരു ദന്ത ഡോക്ടര്‍ ചികിത്സ നിഷേധിച്ചു. കാരണമെന്തെന്നോ അവന്റെ പേര് ജിഹാദ് എന്നായിരുന്നു. ജിഹാദ് എന്ന പദം എല്ലാ അമുസ്ലീങ്ങള്‍ക്കുമെതിരായ യുദ്ധ പ്രഖ്യാപനമാണെന്ന് താന്‍ വിശ്വസിക്കുന്നു എന്നും അതിനാലാണ്‌ ചികിത്സ നിഷേധിച്ചതെന്നും ഡോക്ടര്‍ വിശദീകരിച്ചത്രേ. ഒരു പേരിന്റെ പേരിലുള്ള പൊല്ലാപ്പ് നോക്കണേ. മമ്മൂട്ടിയെ ന്യൂയോര്‍ക്കിലെ ജെ.എഫ്.കെ. എയര്‍പോര്‍ട്ടില്‍ തടഞ്ഞുവെച്ചത് പേരിലൊളിഞ്ഞിരുന്ന പൊല്ലാപ്പായിരുന്നു. മുഹമ്മദ് ഇസ്മയില്‍ എന്ന പേരുകാരന്‍ ഒരു ഭീകരനാണെന്ന് ഹോംലാന്റ് സെക്യൂരിറ്റിയുടെ ലിസ്റ്റിലുണ്ട്. മമ്മൂട്ടി എന്ന സിനിമാപ്പേരുകാരന്റെ ഒറിജിനല്‍ പേര് മുഹമ്മദ് ഇസ്മയില്‍ എന്നാണ്‌. പാസ്പോര്‍ട്ടിലും അതേ പേരു തന്നെ. ബോളിവുഡ് താരം ഷാരുഖ് ഖാനും സംഭവിച്ചതതു തന്നെ. ന്യൂവാര്‍ക്ക് എയര്‍പോര്‍ട്ടില്‍ അദ്ദേഹത്തെ തടഞ്ഞുവെച്ചത് പേരിലെ ഖാന്‍ ആണ്. എന്നുവെച്ച് ഇവര്‍ രണ്ടുപേരും പേരുമാറ്റാന്‍ തയ്യാറാകുമോ? ഇല്ല. അതവരുടെ ജന്മാവകാശമാണ്. കാരണവന്മാര്‍ ആശീര്‍വദിച്ചനുഗ്രഹിച്ചിട്ട പേര്. പക്ഷേ, അമേരിക്കയില്‍ ചില സംഘടനകള്‍ അങ്ങനെയല്ല. എന്തെങ്കിലും നല്ല കാര്യങ്ങള്‍ ചെയ്യാന്‍ നല്ല ശമരിയക്കാരായ ചിലര്‍ സദുദ്ദേശത്തോടെയുള്ള പേരുകളിട്ട് നല്ല രീതിയില്‍ സാമൂഹ്യസേവനം നടത്തുന്ന സംഘടനകളുടെ പ്രവര്‍ത്തനങ്ങളില്‍ അസൂയ പൂണ്ട് അവര്‍ക്കിട്ട് പാരപണയാന്‍ അപരന്മാര്‍ രംഗത്തിറങ്ങി അതേപേരില്‍ അല്ലെങ്കില്‍ പെട്ടെന്ന് തിരിച്ചറിയാനാവാത്തവിധമുള്ള പേരുകളിട്ട് മറ്റൊരെണ്ണം തല്ലിക്കൂട്ടുമ്പോഴാണ്‌ പ്രശ്നങ്ങള്‍ തുടങ്ങുന്നത്.

വര്‍ഷങ്ങള്‍ക്കു മുന്‍പ് ഇന്ത്യയിലങ്ങോളമിങ്ങോളം മെയ്ഡ് ബൈ യു.എസ്.എ. എന്ന ലേബലില്‍ പലതരം ഉല്പന്നങ്ങള്‍ വിറ്റ് കോടികള്‍ നേടിയ ഒരു കമ്പനിയുണ്ടായിരുന്നു. ആരു കണ്ടാലും കൊതിച്ചുപോകുന്ന ആ ഉല്പന്നങ്ങള്‍ ചൂടപ്പം പോലെയാണ്‌ മാര്‍ക്കറ്റുകളില്‍ വിറ്റഴിഞ്ഞത്. ബോംബെ, ഡല്‍ഹി, കല്‍ക്കത്ത മുതലായ വലിയ സിറ്റികളിലായിരുന്നു ഏറ്റവും കൂടുതല്‍ വില്പന നടന്നത്. കാരണം അമേരിക്കന്‍ നിര്‍മ്മിതമായ ഉല്പന്നങ്ങള്‍ ചുരുങ്ങിയ വിലയ്ക്ക് കിട്ടുന്നത് മഹാഭാഗ്യമല്ലെ. പക്ഷെ, അവയൊന്നും അമേരിക്കന്‍ നിര്‍മ്മിതമല്ലെന്നും ഇന്ത്യയില്‍ തന്നെ നിര്‍മ്മിച്ചതാണെന്നും വളരെ വൈകിയാണ് ജനങ്ങളും സര്‍ക്കാരും അറിയുന്നതുതന്നെ. കണ്‍സ്യൂമേഴ്സിനെ കബളിപ്പിച്ചതിനും, വ്യാജ പേരില്‍ ഉല്പന്നങ്ങള്‍ ഉല്പാദിപ്പിച്ചതിനും വിറ്റഴിച്ചതിനും അന്ന് അമേരിക്കന്‍ അധികൃതരും ഇന്ത്യന്‍ അധികൃതരും കേസ് കൊടുത്ത് കമ്പനി പൂട്ടിക്കാനുള്ള യജ്ഞം തുടങ്ങിയപ്പോഴാണ് അവര്‍ ശരിക്കും ഞെട്ടിയത്. കമ്പനി തങ്ങളുടെ നിലപാടില്‍ തന്നെ ഉറച്ചുനിന്നു. 'ഞങ്ങള്‍ ആരേയും വഞ്ചിച്ചിട്ടില്ല, ഒരു ഉല്പന്നവും വ്യാജപ്പേരില്‍ നിര്‍മ്മിച്ചിട്ടില്ല, വിറ്റിട്ടില്ല. മെയ്ഡ് ഇന്‍ യു.എസ്.എ. എന്നല്ല മെയ്ഡ് ബൈ യു.എസ്.എ. എന്നാണ് ഉല്പന്നങ്ങളില്‍ എഴുതിയിരിക്കുന്നത്.' ബോബെയിലെവിടെയോ ഉല്ലാസ് നഗര്‍ എന്നൊരു സ്ഥലമുണ്ട്. അവിടത്തെ സിന്ധി സമുദായക്കാരുടെ സംഘടനയായ ഉല്ലാസ് നഗര്‍ സിന്ധി അസോസിയേഷന്‍ നിര്‍മ്മിക്കുന്ന ഉല്പന്നങ്ങള്‍ക്കാണ്‌ സംഘടനയുടെ തന്നെ ഷോര്‍ട്ട് ഫോം ആയ യു.എസ്.എ. എന്നെഴുതിയതത്രേ. നോക്കണേ ഒരു 'ഇന്‍ മാറി ബൈ' ആയപ്പോഴത്തെ പൊല്ലാപ്പ്.

അമേരിക്കയിലെങ്ങോ ജന്മമെടുത്ത വേള്‍ഡ് മലയാളി കൗണ്‍സിലിന്റെ പിതൃത്വത്തെ ചൊല്ലി കുറെ നാളുകളായി പൊട്ടലും ചീറ്റലും തുടങ്ങിയിട്ട്. സിംഗപ്പൂരും മലേഷ്യയും ദുബായിയുമൊക്കെ പിതൃത്വം ഏറ്റെടുക്കാന്‍ കുറെ നാളുകളായി പെടാപാടു പെടുകയായിരുന്നു. അമേരിക്കക്കാരുണ്ടോ വിടുന്നു. ലോക പോലീസ് സ്റ്റേഷന്‍ അമേരിക്കയിലല്ലേ സ്ഥിതി ചെയ്യുന്നത്. അമേരിക്ക പറഞ്ഞാല്‍ അപ്പീലില്ലല്ലോ...! അതുകൊണ്ടായിരിക്കാം ഇവിടത്തെ അച്ചായന്‍ പറഞ്ഞു 'പോ മോനെ ദിനേശാ..കളി എന്നോടൂ വേണ്ട. ഞാനാണവന്റെ അഛന്‍..' ഒടുവില്‍ അമേരിക്കനച്ചായനിട്ട് ഒരു പണികൊടുക്കാന്‍ ഡബ്ലിയു.എം.സി.യുടെ വളര്‍ത്തഛന്മാര്‍ തീരുമാനിച്ചു.

ആടിനേയും പശുവിനേയും വളര്‍ത്താന്‍ കൊടുക്കുന്ന ഏര്‍പ്പാട് പണ്ട് നാട്ടില്‍ നിലനിന്നിരുന്നു. ആരെങ്കിലും ഒരാള്‍ ഒരാട്ടിന്‍ കുട്ടിയേയൊ പശുക്കുട്ടിയേയൊ വളര്‍ത്താന്‍ കൊടുക്കും. അതിനെ വളര്‍ത്തി വലുതാക്കി പെറ്റു പെരുകുമ്പോള്‍ വളര്‍ത്തി വലുതാക്കിയവര്‍ക്ക് ഒരു ആട്ടിന്‍ കുട്ടിയേയോ പശുക്കുട്ടിയേയോ കിട്ടും. ബാക്കിയുള്ളവയെ ഒറിജിനലടക്കം ഉടമസ്ഥര്‍ക്ക് തിരിച്ചുകൊടുക്കണം. ഇതാണ്‌ വ്യവസ്ഥ. ഇവിടെ ഡബ്ലിയു.എം.സി.യെ വളര്‍ത്താന്‍ വാങ്ങിക്കൊണ്ടൂപോയവര്‍ അവരുടെ സ്വന്തമെന്ന പേരില്‍ വളര്‍ത്തി വലുതാക്കി ഇപ്പോള്‍ പിതൃത്വവും കൈവശപ്പെടുത്താന്‍ നോക്കുകയാണ്‌. അമേരിക്കന്‍ അച്ചായനോടു പറഞ്ഞു - 'പോ മോനേ ദിനേശാ...ഞാനാണ് അവന്റെ അപ്പന്‍' എന്ന്. അടങ്ങിയിരിക്കാന്‍ അവര്‍ തയ്യാറല്ല. വക്കീല്‍ നോട്ടിസു വഴിയാണ്‌ അമേരിക്കന്‍ അച്ചായനെ (അച്ചായന്മാരെ) കാര്യങ്ങള്‍ തെര്യപ്പെടുത്തിയിരിക്കുന്നത്.

വക്കീല്‍ നോട്ടിസില്‍ ഇളയഛന്മാരും, വെല്യഛന്മാരും, ഇളയമ്മമാരും, അമ്മായിമാരും ഒക്കെ ഒപ്പിട്ടിട്ടുണ്ട്.
നോട്ടീസ് പ്രകാരം വേള്‍ഡ് മലയാളി കൗണ്‍സിലിന്റെ ജനനം കേരളത്തിലാണെന്നും, ജനന സര്‍ട്ടിഫിക്കറ്റ് രജിസ്റ്റര്‍ ചെയ്തിരിക്കുന്നത് ബോംബെയിലാണെന്നും, പൈതൃകമായിക്കിട്ടിയ വള്ളവും വലയും മുത്തുക്കുടയും സൂക്ഷിച്ചിരിക്കുന്നത് (ലോഗോ) ന്യൂജഴ്സിയിലാണെന്നും, മേലില്‍ മേല്പറഞ്ഞ പേരില്‍ ഒരു ക്രയവിക്രയങ്ങളും നടത്തിയേക്കരുതെന്നുമാണ്‌. കേട്ടപ്പോള്‍ നല്ല തമാശ തോന്നി. അമേരിക്കയിലുള്ള ഭൂരിഭാഗം മലയാളികള്‍ക്കും ഇ-മെയില്‍ വഴി മേപ്പടി നോട്ടീസ് കിട്ടിക്കാണണം. എനിക്കു കിട്ടി ഒരെണ്ണം. കാര്യങ്ങളിങ്ങനെയൊക്കെ ആയ സ്ഥിതിക്ക് ഒരു സംശയം. യഥാര്‍ത്ഥത്തില്‍ ഈ വേള്‍ഡ് മലയാളി കൗണ്‍സിലിന്റെ ഒറിജിനല്‍ പിതാവ് ആരാണ്? വല്ല ഡി.എന്‍.എ. ടെസ്റ്റും നടത്തിയാല്‍ സത്യം മനസ്സിലാക്കാന്‍ സാധിക്കുമോ? അതോ കോടതി കയറിയ ഫൊക്കാന ഫോമയായി തിരിച്ചു വന്നതുപോലെ മറ്റൊരു പേരില്‍ വേള്‍ഡ് മലയാളി കൗണ്‍സില്‍ ജനിതക മാറ്റം നടത്തി തിരിച്ചു വരുമോ? കാത്തിരിക്കാം.

ഒബാമ ഭരണകൂടത്തിലെ ഇന്ത്യനമേരിക്കന്‍ വംശജരില്‍ മലയാളി പ്രാതിനിധ്യം ഇല്ലാത്തതെന്തുകൊണ്ട് ?

ഇന്ത്യന്‍ പ്രധാനമന്ത്രി ഡോ.മന്മോഹന്‍സിംഗിന്റെ അമേരിക്കന്‍ പര്യടന വേളയില്‍ വൈറ്റ് ഹൗസിലെ ഇന്ത്യന്‍ പ്രാതിനിദ്ധ്യം ഏറെ ശ്രദ്ധേയമായത് ഇന്ത്യക്കാരായ എല്ലാവര്‍ക്കും അഭിമാനിക്കാന്‍ വക നല്‍കുന്നതായിരുന്നു. പ്രസിഡന്റ് ബറാക് ഒബാമ അധികാരത്തില്‍ വന്നതിനുശേഷം 26 ഇന്ത്യന്‍ അമേരിക്കന്‍ വംശജരെ വിവിധ തസ്തികകളില്‍ അവരോധിച്ചത് ഇന്ത്യക്കാരുടെ അര്‍പ്പണമനോഭാവത്തോടുള്ള അദ്ദേഹത്തിന്റെ സമീപനം എത്രത്തോളം ദൃഢമാണെന്നതിന്റെ തെളിവാണ്.

ഒബാമ അഡ്മിനിസ്‌ട്രേഷനില്‍ കടന്നു കൂടിയിട്ടുള്ള ഇന്ത്യന്‍ അമേരിക്കന്‍ ഉദ്യോഗസ്ഥവൃന്ദത്തിന്റെ പേരുവിവരങ്ങളിലൂടെ കണ്ണോടിച്ചാല്‍ ഒരു സത്യം മനസ്സിലാക്കാം. ഒരു മലയാളിയുടെ പേരുപോലും അതില്‍ കാണാന്‍ കഴിയില്ല. അഭ്യസ്ഥവിദ്യരും, അദ്ധ്വാനശീലരും, പ്രഗത്ഭരുമാണെന്ന് അഭിമാനം കൊള്ളുന്ന മലയാളികള്‍ എന്തുകൊണ്ടാണ് ഇങ്ങനെയുള്ള തന്ത്രപ്രധാനമായ പദവികളില്‍ നേട്ടം കൈവരിക്കാത്തത്? അല്ലെങ്കില്‍ എന്തുകൊണ്ട് അവര്‍ക്കത് അപ്രാപ്യമാകുന്നു? സ്വാര്‍ഥതയാണോ അമേരിക്കന്‍ രാഷ്ട്രീയത്തിന്റെ മുഖ്യധാരയിലെത്താന്‍ മലയാളികള്‍ക്ക് വിലങ്ങു തടിയാകുന്നത്?

ലോകം പുരോഗതിയിലേക്ക് കുതിക്കുമ്പോഴും യാഥാര്‍ത്ഥ്യങ്ങളില്‍ നിന്ന് മുഖം തിരിക്കാനാണ് മലയാളികളായ നാം ശ്രമിക്കുന്നത്. തന്നെയുമല്ല, ഇതര ഭാരതീയ ജനവിഭാഗങ്ങള്‍ പൗരസ്ത്യത്തില്‍നിന്ന് പാശ്ചാത്യത്തിലേക്കുള്ള ജീവിതവ്യതിയാനത്തിന് നല്‍കിയ കാഴ്ചപ്പാടല്ല മലയാളി ജനവിഭാഗത്തിലുള്ളത്. അതുകൊണ്ടായിരിക്കാം വെറും കലാ-സാംസ്ക്കാരിക വേദികളിലും മതസംഘടനകളിലും മാത്രമായി മലയാളികള്‍ ഒതുങ്ങിക്കൂടിയത്. ദേശീയ സംഘടനകളിലും പ്രാദേശിക സംഘടനകളിലുമുള്ള വിശ്വാസം നഷ്ടപ്പെട്ടതുകൊണ്ടായിരിക്കാം പഞ്ചായത്ത്, കരയോഗം, ജില്ല, ഗ്രാമം, മുതലായവയുടെ പേരില്‍ പല മലയാളി സംഘടനകളും കൂണുകള്‍പോലെ ദിനംപ്രതി മുളച്ചു പൊങ്ങുന്നത്. പക്ഷേ, ദേശീയമായി അമേരിക്കന്‍ മലയാളികള്‍ക്കെല്ലാം ഗുണകരമായ പദ്ധതികള്‍ ആസൂത്രണം ചെയ്ത് നടപ്പിലാക്കുന്നതിനു പകരം അവയൊക്കെ ചില തല്‍പരകക്ഷികളുടെ സ്വാര്‍ത്ഥതാത്പര്യങ്ങള്‍ സംരക്ഷിക്കുകയോ അവരവരുടെ ജന്മസ്ഥലങ്ങളുടെ ഉന്നമനത്തിലും ക്ഷേമത്തിലും മാത്രമായി നിലകൊള്ളുകയോ ചെയ്യുന്ന അവസ്ഥയാണ് കാണാന്‍ കഴിയുന്നത്.

അമേരിക്കന്‍ മലയാളികളുടെ കൂട്ടായ്മയായ ഒരു ദേശീയ സംഘടനകളാണ് ഇപ്പോള്‍ മത്സരിച്ച് ജനസേവനത്തിനായി രംഗത്തിറങ്ങിയിരിക്കുന്നത്. ഒന്ന് രണ്ടായപ്പോള്‍ മത്സരത്തിന് വീറും വാശിയും കൂടുന്നത് സ്വാഭാവികം. ഈ മത്സരങ്ങള്‍ക്ക് അന്തം വിട്ട് നില്ക്കുന്ന സാധാരണ മലയാളികള്‍ ചോദിക്കുന്ന ചോദ്യമാണ് "എന്തിന്, ആര്‍ക്കു വേണ്ടി...?" നേതൃസ്ഥാനം നേടാന്‍ വാശിയേറിയ ചൂതാട്ടത്തിനൊടുവില്‍ പരസ്പരം പഴിചാരി വീണ്ടും അടുത്ത അങ്കത്തിന് കോപ്പു കൂട്ടുന്നതല്ലാതെ, അവരോട് സഹകരിക്കുന്ന, അല്ലെങ്കില്‍ അവര്‍ പ്രതിധാനം ചെയ്യുന്ന, മലയാളി സമൂഹത്തിന് കാര്യക്ഷമമായി എന്തെങ്കിലും ചെയ്യാനുള്ള ഒരു കര്‍മ്മപരിപാടിയും അവരുടെ പ്രകടനപത്രികയില്‍ കാണുന്നില്ലെന്നതാണ് സത്യം.

അടുത്ത പ്രസിഡന്റ് ആരാകണം, കണ്‍വന്‍ഷന്‍ എവിടെ നടത്തണം, ഏതു തരം സദ്യ വിളമ്പണം, കേരളത്തില്‍ നിന്ന് എത്ര മന്ത്രിമാരെ കൊണ്ടുവരണം, അവര്‍ക്ക് എവിടെയൊക്കെ സ്വീകരണച്ചടങ്ങുകള്‍ സംഘടിപ്പിക്കണം, ഫോട്ടൊ എടുക്കുമ്പോള്‍ ആരൊക്കെ കൂടെ നില്‍ക്കണം, എന്നൊക്കെയല്ലാതെ അവരെ നേതാവാക്കിയ അമേരിക്കന്‍ മലയാളികള്‍ക്ക് പ്രത്യുപകാരമായി കൊടുക്കാവുന്ന ക്രിയാത്മകമായ യാതൊരു പദ്ധതിയും ആരുടേയും മനസ്സിലില്ല. അമേരിക്കയിലേക്ക് കുടിയേറി പതിറ്റാണ്ടുകള്‍ പിന്നിട്ടിട്ടും മലയാളികളുടെ വഞ്ചി ഇപ്പോഴും തിരുനക്കരെത്തന്നെ. ഈ അവസ്ഥക്ക് മാറ്റം വരണമെങ്കില്‍ ഭിന്നിപ്പിച്ച് ഭരണം എന്ന തത്വം സ്വീകരിക്കാതെ ഐകമത്യം മഹാബലം എന്ന സന്ദേശമാണ് ദേശീയ നേതൃത്വം സ്വീകരിക്കേത്.

അമേരിക്കയില്‍ നമുക്കു കിട്ടിയ അംഗീകാരവും ആനുകൂല്ല്യങ്ങളും പരമാവധി പ്രയോജനപ്പെടുത്തുകയും, സാഹചര്യങ്ങള്‍ക്കനുസരിച്ച് പ്രവര്‍ത്തിക്കുകയും ചെയ്യുകയാണെങ്കില്‍ അന്യസംസ്ഥാനക്കാര്‍ നേടിയെടുക്കുന്നതിനേക്കാള്‍ കൂടുതല്‍ സ്ഥാനലബ്ധികള്‍ മലയാളികള്‍ക്കും നേടിയെടുക്കാന്‍ കഴിയുമെന്ന് തീര്‍ച്ചയാണ്. അത് നടപ്പിലാകണമെങ്കില്‍ മലയാളികളില്‍നിന്ന് പിരിച്ചെടുത്ത പണം മുടക്കി കേരളത്തില്‍ നിന്നുള്ള മന്ത്രിമാരേയും എം.എല്‍.എ.മാരേയും ഇറക്കുമതി ചെയ്യാതെ വാഷിംഗ്ടണില്‍ ശ്രദ്ധ കേന്ദ്രീകരിക്കുകയാണ് വേണ്ടത്. മലയാളികളുടെ സാന്നിദ്ധ്യവും അവരുടെ അംഗബലവും സംഘടനാ ശക്തിയും സ്വാധീനവും അമേരിക്കന്‍ ഭരണ സിരാകേന്ദ്രങ്ങളില്‍ ബോധ്യപ്പെടുത്തണമെങ്കില്‍, മലയാളി സംഘടനകളുടെ തലപ്പത്ത് അവരോധിച്ചിരിക്കുന്ന നേതാക്കള്‍ ബുദ്ധിപൂര്‍വ്വം ഉണര്‍ന്നു പ്രവര്‍ത്തിക്കണം. അല്ലെങ്കില്‍ ജനം ഇവരെ തിരസ്ക്കരിക്കുന്ന കാലം വിദൂരമല്ല.

Comments Posted By Readers


താംതരികിടതോം
ആരു പറഞ്ഞു മലയാളി ഇല്ലാന്ന് ? കഴിഞ്ഞ വര്‍ഷം വൈറ്റ് ഹൌസില്‍ ദീപാവലി ആഘോഷിച്ചപ്പോള്‍ കംമ്പകെട്ട്ടുകാരന്‍ തൃശുര്കാരന്‍ വറീത് ജോസായിരുന്നു .ഹ കഷ്ടം... അവിടെ പള്ളി കമ്മറ്റി ,അമ്പലകമ്മറ്റി ,അമ്മിണി ഓമന,ഫോകാന ഒന്നുമില്ലല്ലോ മലയാളിയേ അങ്ങോട്ട്‌ വരവേല്‍ക്കാന്‍.

ഒബാമ
ഒബാമക്ക് വിവരം ഉണ്ട്..മലയാളികളെ അവിടെ നിയമിച്ചാല്‍ പിന്നെ അവിടെ നമ്മുടെ പിള്ളേര് കുറ്റിചോരാക്കും ..എന്തായാലും ഒബാമക്ക് വിവരമുണ്ട് കേട്ടോ...........

മല്ലു
അസൂയയും പരധൂഷണവും നിര്‍ത്തിയാല്‍ തന്നെ മലയാളിക്ക് ഒരു വില കിട്ടും അതിനാല്‍ ..നന്നായാല്‍ മലയാലീസേ കൊള്ളാം..............

സുദെര്‍ശന്‍
മലയാളിക്ക് എവിടെ പോയാലും സ്വന്തമായി ഒരു അടയാളം അല്ലെങ്കില്‍ അനന്യത വേണമെന്നല്ലാതെ മറ്റൊരു ചിന്തയും കാണുന്നില്ല. ഇതിനു പറ്റിയ രണ്ടു വേദികളാണ് മതവും അസോസിഷെനുകളും. അമേരിക്കയിലെ ചര്‍ച്ച്ചുകളം മറ്റു സ്ഘടനകളും രാഷ്ട്ര നിര്‍മ്മാണത്തില്‍ വളെരെ തല്പ്പരിയത്തോടെ പങ്കെടെക്കുന്നു. എന്നാല്‍ അമേരിക്കയിലെ മലയാളി ചര്‍ച്ചുകളും മറ്റു സ്ഘടനകളും ഇതില്‍ എത്ര മാത്രം പങ്കാളികളാണ്? ഇന്നെത്തെ ഹെല്‍ത്ത് കെയര്‍ രിഫോമഷ്നെ കുറിച്ചോ കുടിയേറ്റ നിയമങ്ങളെ കുറിച്ചോ ഇവര്‍ക്ക് എന്ത് അറിയാം? കാരണം സ്വന്ത താല്‍പ്പര്യങ്ങള്‍ സംരക്ഷിക്കപെട്ട് കഴിഞ്ഞാല്‍ ഈ രാഷ്ട്രത്തിന് എന്ത് സംബവിച്ച്ചാലും അത് മലയാളിക്ക് ബാധകമല്ല എന്ന മനോഭാവമാണ്. നോര്‍ത്ത് ഇന്ത്യന്‍സിന്റെ സാനിധ്യം ഒബാമ ഭരണകൂടത്തില്‍ വളെരെ പ്രകടമാണ്. മലയാളിക്കും ഇത് സാദ്ധ്യ്മാകണം. അതിനു കഴിവുള്ളവരെ കണ്ടുപിടിക്കുക, അവരുടെ അമേരിക്ക എന്ന ചിറ്റമ്മയെകുറിച്ചുള്ള സകലപ്പ്‌ങ്ങള്‍ എന്തെന്നരിയുക, അവരെ കലവറ ഇല്ലാതെ പിന്തുണക്കുക. രാഷ്ട്ര്യത്തെ കുറിച്ചുള്ള തെറ്റായ ധാരണകള്‍ തിരുത്തുക. കേരളത്തില്‍ നിന്ന് വന്നെവേരെല്ലാം നിങ്ങള്‍ കട്ടികൂടുന്ന കൊപ്രാന്ച്ങ്ങളെ അതേപടി അങ്ങികരിക്കുന്നു എന്ന് തെറ്റ് ധരിക്കപെടതിരിക്കുക. അതിനായി മറ്റുള്ളവര്‍ തന്നെ കുറിച്ച് തന്റെ പ്രവര്‍ത്തനങ്ങളെ കുറിച്ച് എന്ത് പറയുന്നു എന്ന് അറിയാനുള്ള ആകാംഷ വച്ചു പുലര്‍ത്തുക ഇങ്ങനെയൊക്കെ ചെയ്യുംമ്പോള്‍ ഞങ്ങള്‍ നിങ്ങളെ നേതാവ് എന്ന് വിളിക്കും. കുറെ മന്ത്രിമരേം സിനിമ നടന്മാരേം പൊക്കി കൊണ്ട് നടന്നു പൊന്നാട അണിയിപ്പിച്ചു പടം അടിക്കടി പത്രത്തില്‍ ഇട്ടാല്‍ നേതാവികില്ല. "എവിടെ സ്നേഹം ഉണ്ടോ അവിടെ അധികാര മോഹം കുറഞ്ഞിരിക്കും എവിടെ അധികാര മോഹം ഉണ്ടോ അവിടെ സ്നേഹം നിശബ്ദം ആയിരിക്കും. ഒന്ന് മറ്റൊന്നിന്‍റെ നിഴല്‍ മാത്രം" എന്ന കാര്‍ള്‍ ജ്ങ്ങിന്റെ വാക്കുകള്‍ ഇവിടെ സ്മരണീയം ആണ്. മലയാളിക്ക് പരസ്പര സ്നേഹവും ബഹുമാനവും, സ്വന്തമായി അടയാളം സ്രഷ്ട്ടിക്കാനുള്ള ശ്രമത്തില്‍ നഷ്ടമായിരിക്കുന്നു.

അന്തപ്പായി
തൃശൂര്കാരെ കാരെ കുറ്റം പറയരുത് അവര് നല്ല മനുഷിയരാന്. പാര എന്താണെന്നു ചോതിച്ച്ചാല്‍ അവര്‍ക്കറിയില്ല. അമേരിക്കയിലെ മിക്ക പ്രശ്നങ്ങളും തെക്കംതിരുവിതാംകൂര്‍കാരാണ് ഉണ്ടാക്കന്നത്. വെടിക്കെട്ടില്‍ അച്ച്ചയെന്‍മാരെ തോപ്പിക്കാന്‍ ആര്‍ക്കാ പറ്റ. മുന്നോട്ടു നട കിടാവേ ഇവന്മാരുടെ വെടികെട്ടു കണ്ടു നിന്നാല്‍ നമ്മള് പട്ടിണി ആകും ങ്ങ! നട കിടാവേ.

കിഷോര്‍
ഇതില്‍ വലിയ അത്ഭുതമൊന്നും ഇല്ല. നമ്മള്‍ കേരളീയരുടെ സംസ്ക്കാരം ഒബാമ എങ്ങനെയോ മനസ്സിലാക്കി നിയമപരമായി ഇതില്‍ എന്തു തെറ്റ്? മലയാളിയുടെ തല തിരിഞ്ഞ അച്ചടക്ക ബോധം അദ്ദേഹം ഒരു വലിയ കാര്യമായി എടുതുവെന്ന് തോന്നുന്നു.

അനില്‍ കുമാര്‍
ഒരു ശരാശരി മലയാളിയെ പെറ്റമ്മയിൽ നിന്നും പിറന്ന നാടിന്റെ കരകളിൽ നിന്നും ദൂരെ കടലുകൾക്കപ്പുറത്തെ അമേരിക്കയിലേക്ക് എടുത്തെറിയുന്നത് ആരാണ്? നേടാനും വെട്ടിപ്പിടിക്കാനും നിശ്ചയിച്ച് വന്നവരുടെ ചെറു ശതമാനത്തെ ഒഴിച്ചു നിർത്തിയാൽ പണം വാരാനും കോടീശ്വരരാകാനുമുള്ള ദുരാഗ്രഹമല്ലേ കാരണം.

ദാസപ്പന്‍
കേരളം സാംസ്കാരികമായി വിദ്യാഭ്യാസപരമായും ഏറ്റവും ഉന്നത ശ്രേണിയിലാണെന്നാണ് ഓരോ മലയാളിയും പരസ്യമായി അഹങ്കരിക്കുന്നത്. എന്നാല്‍ ഗുജരാതികളുടെയും സിഖ്കാരുടെയും മുന്നില്‍ നാം ഒന്നുമല്ല എന്ന് അടിവരയിടും വിധം കാര്യങ്ങള്‍ പുറത്ത് വന്ന് കൊണ്ടിരിക്കുന്നു.

ഒരു പ്രവാസി
മലയാളിയുടെ മുമ്പിൽ കാലങ്ങളായി നിലനിൽക്കുന്നത് പ്രവാസത്തെ അനിവാര്യതയാക്കുന്ന സ്വഭാവമെന്നതാണ് നമ്മുടെ ഒരു ദുരവസ്ഥ. ഗ്രൂപ്പിസവും പാരവെയ്പ്പും മൂലമുള്ള സങ്കീർണമായ വലക്കണ്ണികളിലാണ് നാം കുരുങ്ങിക്കിടക്കുന്നത്. അത് കൊണ്ടാവാം ഇതര സമൂഹങ്ങളെ അപേക്ഷിച്ച് മലയാളി സാനിധ്യം പ്രവാസമണ്ണിലെവിടെയും നിറഞ്ഞു നിൽക്കാത്തത്.

Experience is the teacher
പണ്ട് ജോയി ചെറിയാന്‍ എന്നൊരു കൊച്ചിക്കാരനെ റീഗന്‍ ഈക്ക്വല്‍ എംപ്ലോയെമെന്റ്റ് കംമ്മിഷേനെര്‍ ആയി നിയമിച്ചപ്പോള്‍, അതിനു മുന്‍പുള്ള എഫ് ഐ റിപ്പോര്‍ട്ട്‌നു തടസ്സമായി നിന്നത് വളരെ അധികം ആക്ഷേപങ്ങളാണ്. അതില്‍ പ്രദാനം അദ്ദേഹം ഒരു കമ്മ്യൂണിസ്റ്റ്‌കാരന്‍ ആണെന്നുള്ളതാണ്. ആക്ഷേപം അയച്ചവരില്‍ പലരും മലയാളികളും. ശ്രി ജോയി ചെറിയാന്റെ പ്രസംഗം കേട്ട ഒരു ആളാണ് ഇത് എഴുതുന്നത്‌. ആദ്ദേഹം പറഞ്ഞത് ഞാന്‍ ഒരു മലയാളി ആണ് നിങ്ങളുടെ ഒരു പ്രതിനിതി എന്ന നിലയില്‍ ഞാന്‍ ഒരിക്കലും ഉത്തരവാദിത്വം ഇല്ലാതെ പെരുമാരുകയില്ല, നേരെമറിച്ച് ഞാന്‍ നിങളുടെ ഒരു സഹായ ഹസ്തം ആയിരിക്കും . ദയവു ചെയിതു ഇല്ലാത്ത കഥകള്‍ എഴുതി അയക്കരുത് . മലയാളികളുടെ വളരെ പരിതാപകരമായ അവസ്ഥയുടെ പ്രതിധോനികള്‍ ആ വാക്കുകളില്‍ ഉണ്ടായിര്രുന്നു. ഈ രാജിയെത്തു നമ്മളുടെ അടുത്ത തലമുറ വേര് ഊന്നെണം എങ്കില്‍ നാം മാതൃക ആകുക. അമേരിക്കന്‍ പൊളിറ്റിക്സ്, നിയമം തുടങ്ങിയവയില്‍ വ്യക്തമായ അറിവുള്ളവരും , നമ്മളുടെ ആവശ്യങ്ങള്‍ അറിഞ്ഞു അതിനെ നിയമ നിര്‍മ്മാണത്തിന്റെ സഭകളില്‍ എത്തിക്കാന്‍ പ്രാപ്ത്തി ഉള്ളവേരേം തിരെഞെടുക്കുക. നമ്മളുടെ പത്രത്തിലും ടീവിയിലും ഒക്കെ വരുന്ന വാര്‍ത്തകള്‍ കുറെ മലയാളികള്‍ കാണുകയും അതിനെ കുറിച്ചു നമ്മളോട് പറയുമ്പോള്‍ ഒരു ചെറു സന്തോഷം ലഭിക്കുകയും അല്‍പ്പ സമയത്തിനുള്ളില്‍ നാം വിസ്മരിക്കപെടുകയും ചെയ്യും. കഴിയുമെങ്കില്‍ സി എന്‍ എന്‍ ലോ സി ബി സ്, എന്‍ ബി സി തുടങ്ങിയ ചാനലുകല്ലൂടെ ഇന്ത്യന്‍ അമേരിക്കന്‍ ശബ്ധമായ് മാറാന്‍ ശ്രമിക്കുക തീര്‍ച്ചയായും നിങ്ങളറിയാതെ ഞങള്‍ നിങ്ങളെ നേതാവാക്കി മാറ്റും. ചരിത്ര സത്യം അതാണ് വിളിച്ചു പറയുന്നത്. എന്തൊക്കെ ആയാലും ഇന്ത്യന്‍സിന് എന്നും അഭിമാനിക്കാവുന്ന ഒരു വ്യക്തി ആണ് ലൂസിയാന ഗവര്നെര്‍ ശ്രി. ജിണ്ടാല്‍.

കുഞ്ചന്‍ നമ്പിയാര്‍
"കുണ്ട് കിണറ്റില്‍ തവള കുഞ്ഞിനു കുന്നിനു മീതെ പറക്കാന്‍ മോഹം, ചൊട്ട ചാണ്‍വഴി ദൂരം മാത്രം കഷ്ടിച്ചങ്ങു പറക്കും കോഴികള്‍, ഗരുഡ്നു പിറകെ ചിറകും വീശി ഗഗ്ഗനെ ഗമനം വാഞ്ചിക്കുന്നു" അതെ നാം എല്ലാം നമ്മളുടെ കഴിവുകള്‍ എന്തെന്ന് ആദ്യം തിരിച്ചറിയുക.

ടോം
മലയാളിയെ കുറിച്ചു ഒബാമക്ക് ഒന്നും അറിയില്ല കാരണം മലയാളികള്‍ ഇപ്പഴും അസോസിയേഷേനുകളില്‍ കറങ്ങി നില്‍ക്കുകയാണ്. മലയാളി എന്ന് പറഞ്ഞാല്‍ വാലില്‍ വിഷം ഉള്ള ഒരു തേള്‍ ആണെന്നാണ് അദ്ദേഹം വിശ്വസിക്കുന്നത്.

ചിന്മയന്‍
പരസ്യമായി അഹങ്കരിക്കുന്നതാണ് മലയാളിക്ക് പരാജയത്തിനു കാരണമായി തീര്‍ന്നിരിക്കുന്നത് . അഹങ്കാരം ഉള്ളിടത്ത് വിജയത്തിന് സാധ്യത ഇല്ല . താണ നിലത്തല്ലേ ദാസപ്പാ നീര് ഓടുകയുള്ളൂ.

ചാക്കോ മത്തായി
ഐകമത്യം മഹാബലം എന്നതിന് പകരം മദ്യം മഹാബലം എന്ന് വിശ്വസിക്കാനാണ് എനിക്ക് ഇഷ്ടം. കണ്ടില്ലേ കേരളം ഇരുപത്തി ഏഴു കോടിയുടെ അകത്താക്കി കഴിഞ്ഞു. അവേരേല്ലാം ഞങ്ങളുടെ സഹോധര്ങ്ങളാണ്. ഞാന്‍ കണക്കു കൂട്ടി നോക്കി ഒരാള് ഒന്‍പതു രൂപയുടെ കള്ളാണ് കേറ്റിയത് കേരളത്തിലെ ആബാല വ്രദ്ധ ജനങ്ങളും അടിച്ചു പൂസായി ഇരിക്കുകയാണ് എല്ലാരും ഓരോ നേതാക്കന്മാരാണ് അവര്‍ക്ക് ഓരോ ജില്ലയും ഭരിക്കാനുള്ള രാജ്യമായി കൊടുക്കണം അമേരിക്കന്‍ മലയാളീ അസോസിഷെനില്‍ നിന്നും പി. എച് . ഡി എടുത്ത ആള്‍ക്കാരെ കേരളത്തിലേക്ക് നാടുകടത്തി അവരെ പഠിപ്പിക്കാനും എങ്ങനാണ് ഭരിക്കണ്ടത് എന്ന് പറഞ്ഞുകൊടുക്കണം ( ഒഴിക്കടി അമ്മിണികുട്ടി ). എന്റെ മോന്‍ പിറന്നു വീണത്‌ ഫൊക്കാനയുടെ പുല്‍ തോട്ടിലില അവനു യേശു ദേവന്റെ മുഖവും ജൂദാസിന്റെ സ്വഭാവും ആണ് ഒരു നേതാവിന്റെ എല്ലാ ഗുണവും ഉണ്ട് പാരക്കു പാര സ്നേഹിക്കുന്നവര്‍ക്ക് വേണ്ടി ഹ്രദയം പറിച്ചു കൊടുക്കും എവിടെ കിട്ടും ഇങ്ങോനൊരു നേതാവിനെ ഇന്ന് ക്രിസ്മസയോത് കൊണ്ട് അവന്‍ കേരളത്തിലാ എന്റെ കര്‍ത്താവെ അവനെ കാത്തോണേ. 
     



   

"ഉപ്പ് തിന്നവര്‍ വെള്ളം കുടിയ്ക്കും"

"പലനാള്‍ കള്ളന്‍ ഒരു നാള്‍ പിടിക്കപ്പെടും' F¶ ]gs©mÃn ]Xncnà F¶Xn\v hyàamb sXfnhpIfmWv Ct¸mÄ `oIchmZ¯nsâ t]cn AdÌnembhcn \n¶v \mw a\Ênemç¶Xv. ]n.Un.]n.þaZ\nþ]nWdmbnþkn.]n.Fw. F¶nhêsS Ahnip² Iq«psI«nsâ clky§fpsS Npêfgnbpt¼mÄ ]pd¯phê¶ hmÀ¯IÄ AXn`oIcamWv. hnNmcW¯ShpImc\mbn H³]Xp hÀjw tImb¼¯qÀ Pbnen InS¶ aZ\nsb ]pd¯psIm­ph¶ kn.]n.Fw. Ct¸mÄ {]Xn¡q«nem bncnçIbmWv. t\Xm¡Ä amdnamdn XÅpIbpw sImÅpIbpw sN¿p¶ aZ\nbmIs«, kz´w `mcy kq^nb aZ\nsb¡qSn c£n¡mëÅ _²¸mSnemWnt¸mÄ.

Hê\mÄ aZ\n Du«n hfÀ¯nb `oIc³ \koÀ aZ\nbpambpÅ Iq«psI«nsâ Npêfgn¨t¸mÄ aZ\n Abmsf XÅn¸dªp. \kodns\ IÀ®mSI t]meokv ssIImcyw sNbvXt¸mÄ In«nb hnhc§fpsS ASnØm\¯n Ct¸mÄ tIcfm t]meokv Cê«n X¸pIbmWv. AhÀ¡v sN¿mhp¶Xv Ht¶ DÅq.......IfatÈcn _Êv I¯n¡Â tIkn kq^nb aZ\nsb {]XnbmçI. kq^nb aZ\n t\cn«v Cu B{IaW¯n ]s¦Sp¯n«nsöv AhÀ¡v hyàambn Adnbmw. ]t£, C\nbnt¸mÄ k½À±§Ä¡v hg§pItb \nhr¯nbpÅq. _Êv I¯n¨Xnëtijw \koÀ kq^nbsb samss_en _Ôs¸«p, GXmëw \nanj§Ä¡Iw kq^nbbpsS t^mWn \n¶v tImb¼¯qÀ¡v t^m¬ tImfpIÄ t]mbn, CsXms¡bmWv  tIcf t]meoknë In«nbn«pÅ GI sXfnhv. Cu sXfnhpIsfÃmw ss{I{_m©n\v t\cs¯ In«nbn«pÅXmbnêì. ]s£, A[nImc¡tkcIfn I®qw\«,v AXp t\SnsbSp¡m³ GXp sNæ¯mt\bpw Iq«p]nSnçsa¶v hn¹hImlfw apg¡nb kn.]n.Fw. t\Xm¡Ä thm«p _m¦në th­n s]mXpP\§fn \n¶v B clky§Ä ad¨psh¨p aZ\ntbbpw ]n.Un.]n.tbbpw {]oWn¸n¨v hi¯m¡nbXnsâ ]n¶m¼pd clky§fpsS apJwaqSnIfmWv Ct¸mÄ Hmtcm¶mbn Agnªp hoé sIm­ncnç¶Xv. aZ\nbpambn CeIvj³ {]NmcW¯n\v thZn ]¦n«hÀ Ct¸mÄ ae¡w adnbpIbmWv. A¶v thm«në th­nbmWt{X A§s\ sNbvXXv. C\n aZ\nbpambn bmsXmê _Ôhpanà Fì ]dªv "]nemt¯mkv ssIIgpInb' t]mse kn.]n.Fw. ssIIgpæIbpw sNbvXp. 

_Êv I¯n¨ tIkn t\cn«v ]¦nÃm¯ kq^nb aZ\nsb ]¯mw{]Xnbm¡nb tIcf t]meoknt\mSvv tIcf¯nse cm{ãob, bphP\, hnZymÀ°n t\Xm¡Ä I¯nç¶ _ÊpIfptSbpw, aäp hml\§fptSbpw, hnZym`ymk Øm]\§fptSbpw IWç tNmZn¨m D¯cw ap«pw. Zn\w{]Xn F{Xtbm s]mXpapXepIfmWv ChÀ Aán¡ncbmç¶Xv. amdnamdn hê¶ cm{ãob¡mêsS BioÀÆmZt¯msS Act§dp¶ Cu A{Ia§fn {]XnIfmbhsc t]meokv tÌj³ B{Ian¨v tamNnXcm¡m³ Fw.FÂ.F.amêw, a{´namêw cm{ãob t\Xm¡mfpw ap¶n«nd§pIbpw B tIkpIÄ tX¨pambv¨p Ifbm³ Iq«p\nevçIbpw sN¿pì. tImtfPpIfnepw kvIqfpIfnepw cm{ãob¯nsâ ad]än XSn¨p sImgp¯p hfê¶ Fkv.F^v.sF., sI.Fkv.bp. F¶o hnZymÀ°n kwLS\IÄ Agn¨p hnSp¶ A{Ia§fn F{Xtbm hml\§Ä I¯n¨m¼embncnçì. AsXmìw Xo{hhmZaà adn¨v "kzm`mhnI {]XnIcWamsW¶v' ]dªv \ymboIcnçIbmbnêì cm{ãob t\XrXzw.

kwLv]cnhmÀ Xnêh\´]pcw Nme It¼mfw I¯n¨t¸mgpw Ings¡ tIm« apX shÅb¼ew hsc sImÅbpw sImÅnsh¸pw \S¯nbt¸mgpw Cu cm{ãob t\Xm¡Ä au\w ]men¨p. tIcf kÀÆIemime sshkv Nm³keÀ hnf\ne¯ns\ B{IançIbpw, kÀÆIemimebptSbpw aäp \nch[n hml\§Ä I¯n¨hcmWv Fkv.F^v.sF. Ahsbmìw Xo{hhmZ enÌn DÄs¸Sp¯n A{IaImcnIsf AdÌp sN¿mt\m PbneneSímt\m Ignbm¯hcmWv kq^nb aZ\nsb Ct¸mÄ ]nSnçw, PbneneSçw Fs¶ms¡ ]dªv ho­pw P\§fpsS I®n s]mSnbnSp¶Xv. 

F._n.hn.]n., BÀ.Fkv.Fkv. apXemb hÀ¤ob I£nIÄ 2001 Xnêh\´]pc¯v kwlmcXmÞhamSnbt¸mÄ vsNbvXpIq«nb A{Ia§fpw sImÅbpw tIcf Ncn{X¯n \n¶v amªp t]mbn«nsÃìw C¯êW¯n HmÀt¡­XmWv. A¶v Hê _Êà GItZiw Adp]tXmfw sI.Fkv. BÀ.Sn.kn. _ÊpIfpw A{Xbpw Xs¶ kzImcy hml\§fpamWv \nanjt\cw sIm­v I¯n¨m¼embXv. A¶v tIm¬{KÊmbnêì `cWw ssI¿mfnbnê¶Xv. B tIkn BscÃmw ]nSn¡s¸«p? kÀ¡mcnëw s]mXpP\§Äçw D­mb \ã§Ä Bê \nI¯n? _m_cn akvPnZv XIÀ¯Xv Hê Ime¯v C´y `cn¨ _n.sP.]n.bpw, hnizlnµp ]cnj¯v, BÀ.FÊv.FÊv, apXemb hÀ¤ob kwLS\Ifnse {]apJ t\Xm¡fpw, A¶v D¯À{]tZiv apJya{´nbmbnê¶ Ieym¬ knwKv apXembhêamsW¶v PÌnkv en_dm³ I½ojsâ dnt¸mÀ«n ]cmaÀin¨t¸mÄ ""AsX, R§Ä Xs¶bmWXv sNbvXXv, th­nh¶m C\nbpw sN¿pw, \n§Ä¡v F´mWv sN¿m³ IgnbpI?" F¶v tNmZn¨v P\m[n]Xy`mcXs¯ shÃphnfnç¶ Cu aXauenIhmZnIÄ UÂlnbn sskzchnlmcw \S¯p¶Xpw C´y³ PpUojydnsb sImª\w æ¯p¶Xpw Imét¼mÄ tIcfaà C´yXs¶ Hê {`m´mebamsWì tXm¶nt¸mæì.

ലവ് ജിഹാദ് - സത്യവും മിഥ്യയും

കേരളത്തില്‍ ഉടലെടുത്ത ലവ് ജിഹാദിസവും തുടര്‍ന്നുണ്ടായ സംഭവവികാസങ്ങളും, ഇപ്പോള്‍ ഹൈക്കോടതി കണ്ടെത്തിയ നിഗമനങ്ങളും തികച്ചും ഫാഷിസത്തില്‍നിന്നുടലെടുത്തതാണ്. കേരളത്തിലെ സവര്‍ണ്ണ ക്രൈസ്തവര്‍ കൈയ്യാളുന്ന ചില മാദ്ധ്യമങ്ങളും ഈ ഗൂഢാലോചനയില്‍ പങ്കെടുക്കുകയും, കത്തോലിക്കാ സഭയും, എന്‍.എസ്സ്.എസ്സും, എസ്.എന്‍.ഡി.പി.യും ഒത്തുചേര്‍ന്ന് ഫാഷിസ്റ്റുകളോട് തോളോടു തോള്‍ ചേര്‍ന്നു നിന്ന് ഈ അവസരം ബീഭത്സമായി ഉപയോഗപ്പെടുത്തുകയുമായിരുന്നു. ഈ സമുദായങ്ങളൊന്നും തന്നെ മുസ്ലീം വിരുദ്ധ വര്‍ഗീയവാദികളല്ല എന്നുള്ളതാണ് വളരെ വിചിത്രമായ ഒരു സത്യം. എന്നിട്ടുമെന്തിനാണ് വലിയ സാമൂഹിക പ്രത്യാഘാതങ്ങള്‍ സൃഷ്ടിക്കുന്ന ഒരു പ്രചാരണ സ്‌ഫോടനം ഇവര്‍ നടത്തിയത്?

സമുദായങ്ങളെ അതിവര്‍ത്തിക്കുന്ന പ്രണയങ്ങളും വിവാഹങ്ങളും മാത്രമല്ല, മതം മാറ്റങ്ങളും കേരളത്തിലെന്നല്ല ഇന്ത്യയിലെല്ലായിടത്തും സജീവമായി സംഭവിക്കുന്നുണ്ട്. സമുദായങ്ങള്‍ക്ക് നികത്താനാവാത്ത നഷ്ടമാണ് ഇവ വരുത്തി വെക്കുന്നത്. ഒരു ഈഴവനോ നായരോ സവര്‍ണ്ണ കൃസ്ത്യാനിയോ മതം മാറിയാല്‍ അത് ആ സമുദായത്തെ സംബന്ധിച്ചിടത്തോളം പരിഹാരമില്ലാത്ത നഷ്ടമാണ്. കാരണം, ഒരിക്കലും പുതുതായൊരാളെ ഈഴവനാക്കാനോ നായരാക്കാനോ സവര്‍ണ്ണ കൃസ്ത്യാനിയാക്കാനോ കഴിയില്ല. കേരളത്തിലെ കത്തോലിക്കാ സഭ മിഷനറി പ്രവര്‍ത്തനങ്ങളേക്കാള്‍ വംശ വിശുദ്ധിയില്‍ വിശ്വസിക്കുന്നവരാണ്.

വംശ സാമൂഹിക ഘടനയില്‍ വളരെ ജൈവികമായി ഇസ്ലാം നടത്തിക്കൊണ്ടിരിക്കുന്ന വിധ്വംസകതകളെ തടയിടുക എന്നതായിരുന്നു ഈ പ്രചാരണത്തിന്റെ യഥാര്‍ത്ഥ ഉന്നം. മുസ്ലിം ആണ്‍ക്കുട്ടികള്‍ സഹോദര സമുദായങ്ങളിലെ (കൃസ്തീയര്‍) പെണ്‍ക്കുട്ടികളെ വിവാഹം കഴിക്കു കയും അതുവഴി അവര്‍ ഇസ്ലാം സ്വീകരിക്കുകയും ചെയ്യുക മാത്രമല്ല സംഭവിക്കുന്നത്. മുസ്ലീം പെണ്‍ക്കുട്ടികള്‍ അമുസ്ലീം പുരുഷന്മാരെ സ്‌നേഹിക്കുകയും അവര്‍ മതം മാറി ഇസ്ലാമിലേക്ക് വരികയും ചെയ്യുണ്ട്്. പക്ഷേ, മൊത്തം വംശം വിട്ടുപോകലിനെ തടയിടാന്‍ പെട്ടെന്ന് ചെലവാകുന്ന ചേരുവകളോടുകൂടിയ ഒരു കഥ അവര്‍ നിര്‍മ്മിച്ചെടുക്കുകയായിരുന്നു.

ഒരു യാഥാര്‍ത്ഥ്യത്തിന്റെ മുകളിലാണ് ഈ കഥ കെട്ടിപ്പൊക്കിയത്. ആ യാഥാര്‍ത്ഥ്യം ധാരാളം പെണ്‍ക്കുട്ടികളും ആണ്‍ക്കുട്ടികളുമൊക്കെ വംശങ്ങള്‍ വിട്ട് ഇസ്ലാം മതം സ്വീകരിക്കുന്നുണ്ടെന്നതാണ്്. കക്ഷി ഇസ്ലാമായതുകൊണ്ട്് തീവ്രവാദം, ആത്മഹത്യാ സ്ക്വാഡ്, ലഷ്കര്‍-ഇ-തായിബ, ഭീകരവാദം, പാക്കിസ്ഥാന്‍ മുതലായ ചേരുവകള്‍ ചേര്‍ത്ത് ഫലപ്രദമായി അവതരിപ്പിക്കുകയായിരുന്നു. എന്തുകൊണ്ട്് അമുസ്ലീം ചെറുപ്പക്കാരെ പ്രണയിച്ച് ഇസ്ലാം മതത്തിലേക്ക് മതം മാറ്റുന്ന പെണ്‍ ജിഹാദികളെക്കുറിച്ച് അപസര്‍പ്പക കഥാകാരന്മാര്‍ ഒന്നും പറയാതിരുന്നത് എന്നാലോചിച്ചാല്‍ അത് കഥയുടെ ശില്പത്തിനും മുറുക്കത്തിനും അയവു വരുത്തും എന്നതുകൊണ്ടാണ്.

കേരളത്തിലെ സമുദായ സംഘടനാ നേതൃത്വങ്ങള്‍ ലവ് ജിഹാദ് എന്ന വ്യാജ പേരില്‍ വ്യവഹരിച്ച സാമൂഹിക പ്രതിഭാസം എന്തുകൊണ്ടുണ്ടാകുന്നു എന്ന് സ്വയം ആലോചിക്കേണ്ടതുണ്ട്. അങ്ങനെ ആലോചിക്കുകയും സ്വന്തം സമുദായങ്ങളെ നവീകരിക്കാന്‍ ശ്രമിക്കുന്നതിന് പകരം രാജ്യത്ത് വര്‍ഗ്ഗീയ ധ്രുവീകരണമുണ്ടാക്കാന്‍ ശ്രമിക്കുന്നതുകൊണ്ട് ഗുണകരമായ ഒരു ഫലവും ആര്‍ക്കും ലഭിക്കാന്‍ പോകുന്നില്ല. ഇന്ത്യ ശക്തവും സുരക്ഷിതവും വികസിതവുമാകാനാണ് യഥാര്‍ത്ഥത്തില്‍ "ഭാരതീയര്‍ എന്ന് അവകാശപ്പെടുന്നവര്‍ ആഗ്രഹിക്കുന്നതെങ്കില്‍ ആരേയും അകാരണമായി സംശയിക്കാതെയും ആരുടെ നേരേയും നിഴല്‍ യുദ്ധം നടത്താതെയും എല്ലാവരേയും ഒരുമിച്ചു കൊണ്ടുവരാനുള്ള തന്ത്രം അവര്‍ ആവിഷ്ക്കരിച്ചേ മതിയാവൂ. അല്ലാത്തപക്ഷം അനിവാര്യമായ തകര്‍ച്ചയില്‍ നിന്നവരെ രക്ഷിക്കാന്‍ ഒരു ലവ് ജിഹാദിനും സാധിക്കില്ല.


Comments Posted By Readers
ജേക്കബ്‌  
ലൌജിഹാദ് വിഷയത്തില്‍ എനിക്ക് ഏറ്റവും രസകരമായിതോന്നിയത് നമ്മുടെ കത്തോലിക്ക അഛന്മാരുടെ അധോസഭയുടെ നിലപാടാണ്. ഓരുപക്ഷെ ഇന്നു കേരളത്തില്‍ ഈ വിഷയം ഇത്രയും വിഷലിപ്ത്മായ അവസ്തയുണ്ടാക്കിയത് ഇവരുടെ നിലപാടാണ്. ഇവരുടെ ഇടയലേഖനത്തിന്റെ കോപ്പിയാണ് സംഘ്പരിവാര്‍ സംഘടനകള്‍ പോലും ഇന്ത്യയിലൊട്ടാകെ ഉപയോഗിക്കുന്നത്.
ചാക്കോച്ചന്‍  
ശരിയായ പല വഴികളും ഉണ്ടായിട്ടും ഇവിടെ ലൌജിഹാദിന്റെ പേരും പറഞ്ഞ് മുതലെടുപ്പ് നടത്താനുള്ള ചില വര്‍ഗ്ഗീയ സംഘടനകളുടെ കുത്സിത ശ്രമങ്ങള്‍ കേരളജനത തിരിചറിയുക തന്നെ ചെയ്യും. ഒരര്‍ഥത്തില്‍ ഈ വര്‍ഗ്ഗീയ സംഘ്ടനകള്‍ സ്വന്തം സമുദായത്തിലെ തന്നെ നമ്മുടെ സഹോദരിമാരെ അപമാനിക്കുകയാണ് ചെയ്യുന്നത്.
മുസ്തഫ
നൂറ്റാണ്ടുകളായി നമ്മള്‍ മലയാളികള്‍ ഉണ്ടാക്കിയെടുത്ത ഒരു സംസ്കാരം ഇല്ലായ്മ ചെയ്യാനുള്ള കുബുദ്ദികളുടെ കുത്സിത ശ്രമം നമ്മള്‍ ഒറ്റക്കെട്ടായി തകര്‍ക്കണം. ലൌജിഹാദ് പോലുള്ള നാണംകെട്ട രീതിയിലുള്ള മതം മാറ്റം നടക്കുന്നുണ്ടെങ്കില്‍ തീര്‍ചയായും അവരെ ജന മധ്യത്തില്‍ മാത്ര്കാപരമായി ശിക്ഷിക്കണം. പ്രേമമെന്ന അനിര്‍വചനീയമായ ആ പവിത്രവികാരത്തെ മത പ്രചാരണത്തിനുപയോഗിക്കുന്നത് അങ്ങേ അറ്റം ലജ്ജാകരമാണ്‍‍
സോദ്ദേശൻ
അങിനെയൊന്നുമില്ലായെന്നും എങ്കിലും അന്വേഷിക്കണമല്ലൊ എന്ന് വിചാരിച്ച് കേരളാ പോലീസ് തുടങ്ങിയ അന്വേഷണം ഒടുവിൽ തുറിച്ചുനോക്കുന്ന സത്യത്തിൽ എത്തുകയും ചെയ്ത തിനു ശേഷം ഹൈക്കൊടതിയിൽ സമർപ്പിച്ച റിപ്പോർട്ടിന്മേൽ കോടതി വാദം കേട്ടതിനുശേഷം പുറപ്പെടുവിച്ച ഉത്തരവാണോ വിശ്വസിക്കണ്ടത്, അതോ ഒരു മുഖ മില്ലാത്ത ഏതോ മതവിശ്വാസിയുടെ ജല്പനങ്ങളോ/ ഇസ്ലാം ഇന്നു ലോകത്തിനു തന്നെ വിനയായിരിക്കുന്നത് തിരുത്തുവാനാണ് അവർ നോക്കെണ്ടത്.
ബഷീറിക്ക  
ഒരു മുസ്ലിമിനു ഒരു രാജ്യദ്രോഹിയാവാനൊക്കില്ല. രാജ്യ ദ്രോഹിയാവുന്നവന്‍ മുസ്ലിമുമല്ല. ഇന്ത്യയില്‍ മുസ്ലിമിന് പീഡനമുണ്ട്‌. മര്‍ദ്ദനവും അവഗണനയുമുണ്ട്. വര്‍ഗീയലഹളയും കലഹവുമുണ്ട്. ഇതിനെല്ലാം മുന്നിലുള്ളവര്‍, കലാപങ്ങള്‍ നയിച്ചവര്‍ ആയിരങ്ങളെ കൊലചെയ്തവര്‍, അന്വേഷണ കമ്മീഷനുകള്‍ പ്രതിപട്ടികയില്‍ ചുണ്ടിക്കാട്ടിയവര്‍ എല്ലാവരും സസുഖം വാഴുകയാണ് .
മുന്‍ഷി  
ദൈവത്തിന്റെ സ്വന്തം നാട്ടില്‍ പ്രേമമെന്ന ദൈവീക വികാരത്തിനെതിരെ കൊലവിളിക്കുന്നവര്‍ അവര്‍ ഏത് മതത്തില്‍ പെട്ടവരായാലും ഏത് സംഘ്ടനയില്‍ പെട്ടവരായാലും അവരെ പ്രബുദ്ദ കേരള സമൂഹം തികഞ്ഞ അവഞ്ജയോടെ തന്നെ തള്ളിക്കളയും എന്ന് നമുക്ക് പ്രത്യാശിക്കാം.
തോമസ്‌
ഇങ്ങിനെ ഊഹാപോഹങ്ങളുടെ അടിസ്താനത്തില്‍ കോടതികള്‍ വിധിക്കാനും അഭിപ്രായം പറയാനും തുടങ്ങിയാല്‍ നാട്ടിലെ അവസ്ത എന്തകും?

ഇര്‍ഷാദ്
ലൌജിഹാദ് നടന്നു എന്നു പറഞ്ഞ സമുദായിക നേതാക്കന്മാര്‍ എന്തുകൊണ്ട് തെളിവു നിരത്തിയില്ല? ആരെങ്കിലും തൊടുത്തുവിടുന്ന പച്ചക്കള്ളങ്ങള്‍ക്കു നിറം പിടിപ്പിച്ച കഥയെഴുതലായി മാധ്യമ പ്രവര്‍ത്തനം.
ലേഖകന്‍
ഈ ലേഖനം എഴുതിയതിനു ശേഷം കേരള ഹൈക്കോടതി മറ്റൊരു വിധി കൂടി പ്രസ്താവിച്ചു. ലവ് ജിഹാദ് കേരളത്തിലുണ്ടെന്ന് കണ്ടെത്തിയത് ജസ്റ്റിസ് കെ.ടി. ശങ്കരനായിരുന്നു. എന്നാല്‍ അങ്ങനെ ഒരു പ്രതിഭാസം ഇല്ല എന്നും, ഇത് ഒരു മതവിഭാഗത്തെ വ്രണപ്പെടുത്താന്‍ പോലീസ് സൃഷ്ടിച്ച കേസാണിതെന്നും, അതുകൊണ്ട് തുടര്‍നടപടികള്‍ നിര്‍ത്തി വെയ്ക്കാന്‍ ജസ്റ്റിസ് ശശിധരന്‍ നമ്പ്യാര്‍ ഇപ്പോള്‍ ഉത്തരവിട്ടിരിക്കുകയാണ്